政Whats噏:鄒幸彤獄中過生日 今出庭收「禮物」?

·1 分鐘文章
鄒幸彤尋日喺獄中度過37歲生日。
鄒幸彤尋日喺獄中度過37歲生日。

大批民主派人士因不同案件而在囚或被還押,當中包括前支聯會副主席鄒幸彤,佢因舊年6月4日參與及煽惑他人參與未經批准集結罪被判囚,佢尋日就喺獄中度過生日,佢嘅朋友仲話鄒今日會上庭,可以見到朋友,都算係一份生日禮物嘅。

鄒幸彤嘅友人尋日喺Facebook貼文,指尋日原來係鄒嘅37歲生日,仲用「少女」二字嚟形容佢添!嗰個朋友話鄒嘅生日就無禮物可以拆喇,但鄒今日就支聯會唔交資料案第二次審前覆核出庭,所以可以見到朋友,仲話或者呢個已經係目前鄒可以得到最好嘅禮物。

因舊年呼籲市民參加未經批准嘅六四集會,涉煽惑他人明知而參與未經批准集結罪成,鄒幸彤被判監禁15個月,其中5個月同佢有關前年六四煽惑案件同期執行,故兩案總刑期為22個月。另外,佢又因為涉嫌違反《港區國安法》,被控顛覆國家政權罪,佢喺上個禮拜就該《港區國安法》案件再度申請保釋被拒。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能