新店開張 曾樂彤霸位拍片 Jer打造都市綠洲

東方日報
Jer的Cafe正式開業，曾樂彤大讚餐廳好靚。
Jer的Cafe正式開業，曾樂彤大讚餐廳好靚。

近年MIRROR成員Anson Lo、Ian、Tiger搞自家時裝品牌，Stanley開健身室，Anson Kong經營拉麵店，Jer、Jeremy及ERROR成員肥仔去年12月底則合資日式鐵板燒餐廳，Jer另一間位於啟德的Cafe昨日亦正式開業。

脹咗一個碼

荷包和身形同樣脹了一個碼的Jer，前日偕4位圈外合夥人為Cafe舉行開幕禮，狀甚忙碌，見他不停穿梭店內外招呼朋友及「柳柳粉」，完成開香檳儀式後，他開腔致謝詞，分享開店的初心：「其實係想喺呢個本地嘅地方，有一個好扎根嘅文化可以推動畀大家，譬如咖啡呀，嚟緊我上面仲有一個Exhibition（展覽），可以畀人喺城市化嘅環境下返番去大自然，所以會見到有棵樹同埋有啲櫈，同埋見到好多藝術品喺度，就係好多Artist嘅朋友同單位合作嘅。」在場逾百名的「柳柳粉」中發現英皇小花曾樂彤的身影，見她逼在人群中霸位為男神拍片，相當賣力。

曾樂彤又在社交網分享與前Super Girls成員Jessica幫襯的合照，並表示：「我同Jer係拍《阿媽有咗第二個》時識嘅，佢間餐廳好靚，嗰棵樹啲樹皮係一塊塊黐上去，啲嘢好食到我褲頭鈕就快爆。」Jessica陪曾樂彤到場，她坦言與Jer不太熟落，但大讚對方友善：「佢話請我去樓上做空中瑜伽，知我在場唔多熟人，佢就不停招呼我。」

Jer獲不少粉絲支持，曾樂彤亦在人群中為他拍片。
Jer獲不少粉絲支持，曾樂彤亦在人群中為他拍片。