方力申發文傳「情」 鄧麗欣講再合作欲拒還迎

方力申發文傳「情」 鄧麗欣講再合作欲拒還迎
方力申發文傳「情」 鄧麗欣講再合作欲拒還迎

藝人鄧麗欣(Stephy)昨晚(25日)出席活動,談到舊愛方力申(小方)日前公開發貼文,回憶17年前二人首次合作拍攝電影,她大方回應:「好多朋友傳咗畀我睇,但其實佢只係轉發導演葉念琛嘅貼文,係葉導多謝我哋啫。(但佢好似好感慨咁。)係感慨時間過得快啫,我都有咁嘅感覺,眨吓眼我就入行21年喇,而同葉導首次合作,都好似昨日嘅事咁。(嚟緊大家有冇機會再合作?)葉導間中都有搵我問候,佢都會提吓,睇吓有啲咩新嘅嘢啦,電影方面嘅挑戰,我唔想做太過重複嘅工作。」

當問到與小方再次合作,Stephy認真答說:「睇緣分啦。(唔抗拒?)少少啦,我唔想旁邊嘅事,或者大家聚焦錯咗。如果我哋合作,大家會講我哋嘅關係或者其他,會對部戲好唔公平,電影唔應該係咁,咁對創作等等唔係幾好。(意味應該冇乜機再合作?)我覺得應該會少啲,但never say never,唔會完全冇可能,不過未必有導演會咁搵我哋。(有冇其他男演員想合作?)洪嘉豪呀,覺得佢係好可愛嘅男生。」

Stephy透露已有新戲接洽中,不過最快亦要6月有才開鏡:「所以想趁呢段時間去旅行,畀自己放吓假。(想去邊?)想去遠啲,例如歐洲咁。」談到感情生活,她依然三緘其口:「做女仔嘅,唔可以話冇人追,咁好冇面,但真係要遇到適合先得,一切都係緣分,緣分到你哋(記者)就會知。」

Stephy話自己都有啲感慨。
Stephy話自己都有啲感慨。
係嘅,畢竟呢段情好深刻。
係嘅,畢竟呢段情好深刻。
佢話同小方再合作係「Never Say Never」!
佢話同小方再合作係「Never Say Never」!