旅行玩命自拍 女子肯亞瀑布前影相變墮崖
去旅行當然想盡興,尤其係面對雄偉大自然美景時,想影張有氣勢嘅相片亦不無道理;不過好多時樂極生悲亦係因為呢個原因呢。肯亞知名旅遊勝地普基特瀑布(Chepkiit Waterfalls),遊客可以直接行出至懸崖邊影相,所以一直以嚟有唔少大膽遊客行到最邊影瀑布;日前一對未婚夫婦就去到現場,未婚妻Dorcas就於懸崖旁準備影相,點知一跣腳就於未婚夫Benjamin眼前跌落瀑布,Benjamin目睹呢一刻已經即時放低相機想伸手拉住未婚妻,可惜仍遲咗一步,眼白白睇住Dorcas墮落瀑布之中被水沖走。及後搜救人員出動於下游搜索,可惜都一無所獲,Benjamin及Dorcas家人都已經有心理準備從此失去Dorcas,非常傷心。另一邊廂美國一對未婚夫婦去到亞肯色州著名懸崖Whitaker Point影婚照,妻子於崖邊向後仰,仲要單腳企,而丈夫只係企於身旁無用手拉實佢,後來照片上載至Facebook後都惹起網民爭議,話太危險太不顧後果呢。
相關文章:
日本飛天車正式試飛成功-預計-2023-年登場