日本金賞炸雞店進駐太古！2度炸Juicy炸雞+香港限定和風辣醬

OpenRice開飯喇
·3 分鐘文章

日式唐揚炸雞一直都有唔少捧場客，最近就有一間日本人氣連鎖店嚟到香港開店，品牌連續連續9年榮獲日本唐揚炸雞大賞金賞，秘訣就係以「2度炸」方法鎖住雞肉水分，食落皮脆肉Juicy！日本顧問更特別設計香港限定嘅和風醬，香辣惹味。

炸雞以「2度炸」方式製作（圖片由餐廳提供）
炸雞以「2度炸」方式製作（圖片由餐廳提供）

雞笑香港首店位於太古康怡廣場，本店2010年於琦玉縣浦和開設，於2010年開業，而家喺日本有超過250間分店，亦先後喺更於台灣、馬來西亞、泰國等地設店。招牌唐揚炸雞用日本直送嘅秘製九州風味醬汁長時間醃製，選用大豆油以「2度炸」方式，先炸一次鎖住水分，再炸一次至金黃香脆。雞笑嘅海外市場顧問國田先生亦專程嚟到港監場，大部分食材、醃料都由直送，再喺香港加入新鮮水果加工。

唐揚炸雞胸（$46/3件，$70/5件，$110/8件）
唐揚炸雞胸（$46/3件，$70/5件，$110/8件）
唐揚炸雞胸（$46/3件，$70/5件，$110/8件）
唐揚炸雞胸（$46/3件，$70/5件，$110/8件）

招牌炸雞選用日本無皮雞胸肉，坊間嘅炸雞胸通常都會比較乾柴，但佢哋嘅炸雞胸經過「2度炸」後保留相當水分。而且雞肉經過長時間醃製，食落醬油香氣濃郁，無需要點任何調味或者醬汁都夠味！

唐揚炸雞髀（$46/3件，$70/5件，$110/8件）
唐揚炸雞髀（$46/3件，$70/5件，$110/8件）

雞胸之外亦有雞髀同雞中翼，雞髀連皮炸脆，入口比雞胸多咗一重雞油嘅香氣。

和風醬辣雞中翼（$49/3件，$74/5件，$112/8件）
和風醬辣雞中翼（$49/3件，$74/5件，$112/8件）

香港限定嘅和風醬由雞笑海外市場顧問國田先生調配，以近年大熱嘅韓式辣醬為基底，加上味噌、加上日式調味料唐辛子等10種日式調味料，辣度適中夠惹味，同時唔會蓋過醬油香。雞翼肉質亦相當嫩滑。

南蠻炸雞笑（$54）
南蠻炸雞笑（$54）

炸雞淋上南蠻醋同他他醬，味道更豐富！特別係他他醬喺日本蛋黃醬混入酸瓜碎，增加口感層次之餘，味道酸酸甜甜咁特別解膩。

南蠻炸雞漢堡包（$58）
南蠻炸雞漢堡包（$58）

呢個漢堡喺日本係期間限定菜式，嚟到香港就「升呢」加入主Menu，漢堡包口感鬆軟，襯托出炸雞嘅香脆，而南蠻醬嘅微酸可以減低油膩感，食完一個都唔會覺得Heavy。

吉列雞塊咖哩飯（$72）
吉列雞塊咖哩飯（$72）

咖喱係餐廳以秘方調製，同坊間日式咖喱一樣味道帶甜唔會辣，而且仲多咗陣豐富辛香料香味，送飯定配酥脆嘅吉列雞塊都咁啱。

唐揚炸雞便當（$68）
唐揚炸雞便當（$68）

一份有齊唐揚炸雞胸同唐揚炸雞髀，性價比高。

（左）和風辣醬，（右）他他醬（各$8/份）
（左）和風辣醬，（右）他他醬（各$8/份）

兩款醬汁亦可以單點，和風辣醬香辣惹味，他他醬味道酸甜、帶酸瓜碎咬口。

（左）星星堂檸檬薑綠茶，（右）星星堂洛神玫瑰茉莉花茶（各$28，跟餐追加$18）
（左）星星堂檸檬薑綠茶，（右）星星堂洛神玫瑰茉莉花茶（各$28，跟餐追加$18）

餐廳亦同星星堂合作，佢哋係為自閉人士創立、提供培訓同就業機會嘅本地社企。兩款冷泡茶都口味都非常清爽，而且低咖啡因。

雞笑
雞笑

雞笑
地址：太古康山道1-2號康怡廣場南座AEON G樓9-10號舖