日本高中生最想旅遊地點 非本土地點頭十位僅台灣上榜

日本呢，就無論係大陸人、香港人、台灣都咁鍾意去，而的確日本最多遊客都係來自呢3度。不過掉轉去睇，日本人又鍾唔鍾意我哋呢？根據日本電視台一個調查，向全日本嘅高中生進行投票，選出最想去旅行嘅地方。結果唔意外，大部分都係日本本土，例如第一位為沖繩、之後順序排名為京都、大阪、東京、奈良。頭十位入面僅有一個地方係非日本本地，就係排第九嘅台灣！電視台之後去搵高中生訪問一下，點解日本國外，唯一情有獨鍾係台灣。唔少高中生話好鍾意九份山城，因為係《千與千尋》取景地，另外大家原來好喜歡西門町，鍾意飲珍珠奶茶、台式夜市小食等等，覺得充滿當地特色情懷。另一樣深得日本高中生嘅心，係台灣人對日本人好有禮貌，熱情招待令佢哋賓至如歸。唔怪得之台灣同日本近年愈嚟愈多姊妹學校，推動兩邊學校交換生計劃啦，台灣人，係得嘅！

日本高中生對台灣最愛景點就係九份山城。

台灣夜市都係日本高中生至愛。

日本高中生最想旅遊地方，台灣排第九。

相關文章：

【北海道】十大必吃札幌美食：湯咖哩、烤羊肉、海鮮還有蝦夷鹿推薦店家整理！

尼泊爾引入機械人侍應 聊天送餐貼心服務

法國預料遂步地區落雪 落雪行車4點小貼士

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！