曾簽阿叻選港姐 蔚雨芯步入30歲宣布離巢TVB ︰這地方像一間學校

近年唔少TVB藝人約滿後都選擇走人，最近又多一位「脫無者」！13歲入行嘅蔚雨芯Rainky喺早前播出嘅《靈戲逼人》演張振朗女友備受好評，但係尋日Rainky喺IG出post宣布離巢。

身材好之餘，美容院副業又發展順利，蔚雨芯走人可以話係意料中事。Rainky原名劉蒨樺，13歲時參加才藝比賽被睇中入行，做過靚模同參加校花校草選舉，後來結識陳百祥黃杏秀夫婦，仲被簽下成為藝人。Rainky成日被指係「落選港姐」，但佢解釋16歲時去叻哥屋企拜年時，被秀姑提名佢去港姐面試，去到見到TVB高層樂易玲，當時樂小姐都知Rainky簽咗約，於是並無入圍，而Rainky就認為自己當時唔係去參選港姐。

2014年蔚雨芯離開阿叻公司，並簽約TVB做基本藝員，不時現身TVB節目，更因為拍旅遊節目同魔鬼魚游水展現好身材而被稱為「魔鬼胸」。到2019年蔚雨芯轉簽TVB經理人合約，同年與朋友搞美容保健生意，自此不時被傳「忽然富貴」。但蔚雨芯解釋過美容生意好順利，開業3個月就回本。而Rainky離巢亦相信係為自家美容品牌轉移事業重心。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！