最hea港姐|張舒雅卸任12年生活仍舊休閒 Fit爆身型成酒吧老闆娘

張舒雅

香港小姐競選係每年觸目盛事,今屆港姐舉行在即,網民又再就過往多屆嘅港姐作出討論,2008年香港小姐冠軍張舒雅就係其中之一。張舒雅當年喺賽前緋聞多多但仍當選成為冠軍,不過佢就係唯一一個無履行港姐使命嘅冠軍,被貫以「最hea港姐」之名。

張舒雅當年當選短短一個月就向TVB請病假,唔出席任何活動之餘亦退選世界小姐及國際中華小姐競選,一邊話病嘅同時一邊同男友夜蒲,生活多采多姿。TVB就因為咁而決定將張舒雅雪藏,禁止佢出席2009年港姐決賽,亦成為無為下屆港姐加冕嘅第一人,之後TVB再無為佢安排工作,換言之亦無再喺熒幕前見到佢。家境富裕嘅張舒雅,屋企人經營珠寶生意,卸任後都係做過一排模特兒。佢曾經接受訪問就話當年參選,係因為媽媽叫佢訓練儀態,並無諗住喺娛樂圈發展,亦指唔介意畀人話hea,認為hea住生活其實係一件好事。

雖然張舒雅甚少喺IG分享近況,但每次嘅照片唔係去旅行,就係約朋友下午茶,生活睇落仍然優哉游哉;而近日就有媒體影到張舒雅休閒放狗,卸任12年,但仍保持Fit爆身型,同時有指佢近年進修珠寶設計,準備接手家族生意之餘,更同朋友合資開酒吧。

張舒雅
張舒雅
張舒雅
張舒雅
張舒雅
張舒雅
張舒雅
張舒雅
張舒雅
張舒雅

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!