有咩新年願望?蔡思貝大想頭 馬國明求財

東方日報
·1 分鐘文章
蔡思貝
蔡思貝

新一年、新希望,眾藝人跟大家說聲「Happy New Year」!雖然今年想達成的願望多籮籮,但亦有藝人連去年的目標仍未達到,唔緊要,繼續努力呀!

蔡思貝:

「上年未完成嘅目標係身形上想更加Fit、想操大一個碼,今年我仲想上多啲課程,好似跳舞,學更加多嘅嘢,希望有時間同埋專注力可以做到!」

馬國明:

「上年未達成嘅目標係因為疫情搵得唔夠多錢,所以希望今年疫情快啲過去,等香港人、全世界都可以過正常生活,大家搵多啲錢、身體健康。」

龔嘉欣:

「因為上年工作太忙,雖然開始咗學古箏,但嚟緊都想勤力啲上堂,希望快啲可以表演畀大家睇!今年想做到一啲觀眾未見過嘅角色,喺螢幕上分享。」

羅天宇:

「喺唱歌上想突破一個關口,但係一直未做到,2021年我會更加畀心機,希望可以唱到想唱嘅歌,突破到一啲音域!」

張振朗:

「上年做唔到嘅嘢就係Keep住去做Gym,因為疫情,健身院都不定期開放,希望2021年可以堅持到,畀觀眾睇到我更完美嘅身形!」