有指《多功能老婆》緊接《溏心風暴之家好月圓》凌晨時段播出

·2 分鐘文章
有指《多功能老婆》緊接《溏心風暴之家好月圓》凌晨時段播出
有指《多功能老婆》緊接《溏心風暴之家好月圓》凌晨時段播出

無綫近年都鍾意喺深宵時段播放經典劇集,而家就播緊由夏雨、米雪、李司棋、陳豪、林峯及鍾嘉欣等人主演嘅《溏心風暴之家好月圓》。劇中演員個個都係好戲之人,成功吸引唔少觀眾捱眼瞓收睇。咁播完之後會播啲咩?有指無綫計劃由2019年台慶劇《多功能老婆》接棒,喺大年初一播出,到時大家就可以睇住佢哋過新年。

《多功能老婆》由著名編劇陳寶華擔任劇集總監製和總劇審,演員卡士亦十分強勁,除咗有闊別無綫劇集多年嘅楊千嬅做女一之外,仲有黃浩然、陳煒、周柏豪及朱晨麗等人主演,劇情主要圍繞藍飛(楊千嬅飾)、榮浩田(周柏豪飾)和尚劍雄(黃浩然飾)嘅三角戀愛,喺藍飛發現老公尚劍雄出軌後點樣慢慢振作。劇中唔少演員發揮出水準,所以劇集出街時成功掀起話題。除此之外,劇集喺《萬千星輝頒獎典禮2019》獲得唔錯嘅成績,楊千嬅與周柏豪分別更憑角色奪得「最受歡迎電視男/女角色」,由周柏豪主唱嘅片尾曲《讓愛高飛》也獲得「最受歡迎電視歌曲」。

《多功能老婆》劇照
《多功能老婆》劇照
《多功能老婆》劇照
《多功能老婆》劇照
《多功能老婆》劇照
《多功能老婆》劇照
《多功能老婆》劇照
《多功能老婆》劇照
《多功能老婆》劇照
《多功能老婆》劇照

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!