未收到 Email／信用卡扣咗錢？搶訂 iPhone X 注意事項

Price

今日 iPhone X 開始接受預訂，唔少人都㩒爆個 F5 ／ command + R 。有人成功，有人失敗，有人自己成功定失敗都唔知，以下有幾個事項提提各位今日努力搶完機的朋友。

信用卡扣咗錢，但冇確認電郵

根據經驗，就算信用卡被過了數，Apple 也有機會將你的訂單取消並將信用額退回。主要原因有兩個，第一當然是存貨不足，但系統錯誤，導致超賣。第二就是買家訂購過程的各種跡象令 Apple系統認定是炒家。

▲就算見到呢一個訂單編號，都唔代表你成功架！

寄貨地址打錯咗！／Cut 單防平安

首先你可以到 Apple Store 的「檢查訂單」Check 一 Check，如果貨品標記為「已提交訂單」的狀態，你就要等一等，因為被 Cut 的機會是有的。等到狀態變成「訂單處理中」，被 Cut 單的機會比較少，系統也會開放予你編輯你的送貨地址或取消訂單。

▲就算見到呢一個「已提交訂單」，都唔代表會提交成功⋯

信用卡唔夠 Credit 會點架？！

就算見到訂單編號，亦不代表成功訂購，如果 Apple 稍後發現你的信用卡唔夠信用額，未能扣數，你將會收到 Apple 的電郵：「我們無法獲得信用卡授權。因此，我們無法繼續處理你的訂單。」訂單亦會被取消。通常當你收到這電郵，想重新換過張信用卡要從頭來過，已經太遲⋯

請留俾有需要的人士

有人㩒到一部，有人㩒到兩部，有人用多個 Apple id ／用 Bot（自動訂機程式) 㩒了好多好多部。但最令人惋惜的是，很多真心想買機自用的人一部都㩒唔到。所以 C6UP 最後奉勸各位，請將機留俾有需要人士，炒機也有風險，請三思。

－－－－－

想睇更多最新科技、有趣資訊？Like Price Facebook 專頁啦！