未試過咁激! 何珮瑜色誘吳卓羲 玩到上枱

·2 分鐘文章
Jeana笑言拍攝時不太舒服,被枱角「銀」親。
Jeana笑言拍攝時不太舒服,被枱角「銀」親。

吳卓羲與何珮瑜於英皇電影中上演激情戲,吳卓羲形容是從演以來最激的一部,事前需花很多時間作準備。Jeana表示跟對方很有默契,拍攝過程順利。

吳卓羲(Ron)與何珮瑜(Jeana)於英皇電影《致命24小時》中,有一場在醫院辦公室的激情戲,飾演患癌症的Jeana主動勾引演醫生的Ron,雖然他們曾於劇集咀嘴,但Ron笑言今次好激:「因為電影尺度比電視大,所以真係從演以嚟最激嘅一次。(事前有冇緊張?)咁又唔會,因為對手係Jeana,所以冇乜嘢擔心,大家好熟、好有默契。」

拍攝前有溝通

Jeana亦表示拍劇的接吻戲跟今次相比實屬小兒科:「之前拍劇個啲都係蜻蜓點水,今次激烈好多。我哋聽導演講解完,佢想拍乜嘢角度、有乜嘢感覺,埋位前大家亦會再溝通,下一個動作係點、手點放,都有傾到,排幾次就正式拍,好少Take就搞掂。」

問到「拍後感」?她笑言:「喺枱上拍親熱戲真係有啲唔太舒服,張枱好『銀』,加上枱面有好多文件、筆,當大家情緒到,就要撥開所有嘢去營造激情感覺,時間要夾到完美。」而Ron坦言男士拍激情戲要分外小心,最緊要事前溝通十足。他們落足心機拍戲,都是為了出來效果好,該片將於下月6日公映,而除夕至1月2日有優先場,Jeana希望大家多多捧場。

吳卓羲與Jeana再度合作,默契十足。
吳卓羲與Jeana再度合作,默契十足。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能