雅虎香港新聞 【本地好去處】尖沙咀聖誕一日遊行程 大阪人氣生吐司/藍精靈藝術展/聖誕期間限定店
聽日就係聖誕節！今年無得食聖誕大餐，也可以外出感受一下聖誕氣氛。今次推介的尖沙咀聖誕一日遊，介紹大家試試新開的大阪人氣生吐司專門店「SAKImoto Bakery 嵜本」，再去睇藍精靈藝術展，睇行埋尤如冬日歐洲小鎮的期間限定店，有緣重可以見到巨型樂高熊貓，有齊食買玩多個元素！
大阪人氣生吐司店 每日新鮮出爐
大阪人氣生吐司專門店「SAKImoto Bakery 嵜本」終於殺到入尖沙咀海港城！香港店與日本一樣主打自家烘焙厚吐司及手工果醬，當中提供極生($50/斤、$26/片)及極美($45/斤、$24/片)兩款招牌吐司，每日新鮮出爐，極生吐司選用日本製麵粉及純天然奶油，鬆軟香醇帶淡淡麥甜；極美吐司採用無蛋奶配方，麵包柔軟，適合素食者。堂食暫時供應2款吐司，每款吐司可從15款果醬中選出3款，好似藍莓、開心果、檸檬、伯爵茶等味道，麵包控唔好錯過。
SAKImoto Bakery 嵜本
網址: 按這裡
藍精靈藝術展 細看100隻藍精靈
食飽飽後，前往同樣位於海港城的「Together We’re Happy」藍精靈藝術展。展覽由即日起至2021年1月3日期間舉行，場內100隻藍精靈以100種不同色彩示人，配上樂器、相機、滑板等不同的配件，組成一個藝術裝置，每隻都有自己的名字、編號和證書，由全人手上色，獨一無二。同場更推出多款具香港特色的限量藝術精品，如限量160個原木雕刻版本手辦模型、T恤、扣針、環保袋，以及全球首套由香港郵政發行的「The Smurfs × Love Hong Kong」郵票等，粉絲們一定失控。
「Together We’re Happy 」藍精靈藝術展
地點：「海港城・美術館」（海港城海洋中心二階207號舖）
網址: 按這裡
巨型樂高熊貓 將現身梳士巴利公園
尖沙咀 K11 Musea的香港樂高探索中心（Legoland Discovery Centre）將於明年1月25日開業，率先亮相的是位於尖沙咀海濱長廊的巨型樂高熊貓模型。巨型樂高熊貓高約 2 米，重達 300 公斤，由捷克藝術家Jan Boudník及其團隊花近 440 小時，以成千上萬塊樂高積木建成，色彩繽紛又夠搶眼，相當值得大家去潮聖打卡。今次巨型熊貓只屬短暫現身，嚟緊會遷入梳士巴利公園，想知佢幾時現身，記得留意官方Facebook專頁。
Legoland Discovery Centre
網址: 按這裡
冬日歐洲小鎮 揀選聖誕禮物
最後一站，去到尖沙咀 K11 Musea 六樓的「Christmas Village Pop-up」聖誕期間限定店。期間限定店於即日起至12月27日舉行，場內設有大型聖誕裝置如巨型胡桃夾子和鐘樓等，配上聖誕燈飾，尤如一個冬日歐洲小鎮。賣的有手工美食、文創手作、木製手工玩具、藝術擺設、生活家品等，俾大家慢慢揀心頭好。因疫情關係開放時間可能有不同，建議出發前上官網睇睇就最穩陣！
Christmas Village Pop-up
網址: 按這裡
下載全新Yahoo App
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
更多相關文章
【聖誕2020】香港5大打卡聖誕蛋糕 酒紅色絲絨蛋糕/焙茶花圈蛋糕/馴鹿樹頭蛋糕
【全港防疫】本港展覽或活動舉行實況 工展會延期/書展延至7月/商場活動暫停開放
【在家聖誕】足不出戶自製聖誕節大餐 魚市場直送海鮮/特別版雞尾酒/ 87折和牛食材
Yahoo全年搜尋人氣榜出爐 「陳奕迅山」成最多人搜尋行山路線
