朱智賢黎振燁車廂幽會斷正 一文睇清上位路 星途岌岌可危?

·3 分鐘文章
朱智賢&黎振燁
朱智賢&黎振燁

朱智賢(Ashley)與黎振燁(Jackson)噚晚被爆喺車廂幽會,根據報導指佢哋喺上月拍新劇《食腦喪B》時撻着咗,分別瞞着緋聞男友謝東閔,及懷孕8個月嘅老婆幽會。噚日黎振燁揸車去朱智賢寓所接女方,然後佢哋就去屯門附近嘅一個山邊,正當佢哋諗住喺粉紅色心形蛋糕上插蠟燭嘅時候,傳媒就即時上前拍照,佢哋就嚇到烏低身。記者問黎振燁係咪背妻偷食朱智賢,佢就冇回答,只係叫大家唔好誤會,佢哋準備開工,同埋佢哋唔係一齊,朱智賢就神情呆滯。之後,佢哋就揸車離開,喺屯門市中心放低朱智賢後,以高速駛往將軍澳電視城。而朱智賢就被傳媒追問佢同謝東閔嘅關係,佢就強調係好朋友,唔係男朋友。唔知今次呢件事會唔會影響佢哋嘅星途呢?

現年33歲嘅朱智賢(Ashley)未入行前曾任空姐,2012年參選港姐不過入唔到初賽,喺2013年再次參選,以27歲之齡終於成功入圍,未能晉身十強嘅佢,獲得最具健康美態獎後,成功加入無綫。入行初期佢喺娛樂新聞台擔任主播,之後開始參與其他節目嘅主持工作,例如《東張西望》及《3日2夜》等等。喺《3日2夜》中,佢經常着三點式泳衣,將佢32C身材、馬甲線同纖腰表露無遺,被網民封為新一代「咪神」。除咗主持工作之外,佢亦有參與唔少劇集拍攝,而戲份仲越嚟越重,例如《一屋老友記》、《誇世代》、《救妻同學會》及《白色強人》等等。至於感情方面,佢嘅緋聞唔多,喺16年已經承認名花有主,有個開餐廳嘅有米男朋友,感情穩定。不過去到17年,有指朱智賢飛起男友,搭上咗謝東閔,不過一直以來佢哋都否認拍拖。

朱智賢
朱智賢
朱智賢
朱智賢
朱智賢
朱智賢
朱智賢
朱智賢

現年34歲嘅黎振燁(Jackson)原本係一位高薪厚職嘅時裝設計師,因為想演戲,所以決定投身娛樂圈。2009年分別以黎柏麟及黎栢倫之名加入無綫藝員訓練班,之後做咗3年臨時演員就離開無綫。2012年轉投香港電視網絡後,參演過《警界線》及《導火新聞線》等劇集,完約後轉行做模特兒。2016年憑參選《2016年度香港先生選舉》,當時有「翻版古天樂」之稱,以大熱姿態獲得冠軍後再次加入無綫。獲選香港先生冠軍之後,Jackson演出機會比從前更多,演出角色都已經唔再係閒角,例如《飛虎之潛行極戰》、《愛·回家之開心速遞》、《再創世紀》、《是咁的,法官閣下》及《機場特警》等等。唔少網民睇完佢嘅演出後,紛紛大讚佢眼神都可以做到戲、表現穩定及自然。另外,感情方面,黎振燁喺選香港先生當晚,太太有到場幫佢打氣,佢仲喺台上公開對太太嘅愛的宣言,獲得冠軍嗰時仲擁吻太太,唔少網民仲覺得佢係好好先生。之後佢做訪問時成日都講起太太,成功營造「愛妻號」形象。

黎振燁
黎振燁
黎振燁
黎振燁
黎振燁
黎振燁
黎振燁
黎振燁