被批畀Lucy拋頭露面 李元元媽媽霸氣反擊:我就是我,你就是你

·3 分鐘文章
李元元(Lucy)
李元元(Lucy)

李璨琛(Sam)同太太梁志瑩(Pae)3歲囡囡李元元(Lucy)憑冬菇頭、搞怪性格同強大表演慾喺網上爆紅,梁志瑩為佢開設嘅Instagram追蹤人數已超過26萬,早前一個網紅數據分析平台列出今年第一季香港網紅排行榜,Lucy就力壓MIRROR成員Anson Lo、陳卓賢Ian榮登第6位;熱愛跳舞嘅Lucy亦曾翻跳韓國女團BLACKPINK歌曲《BOOMBAYAH》,片段仲畀BLACKPINK經理人轉載,絕對係星二代KOL嘅潛力股,不過近日梁志瑩就發文大爆曾經畀網民話過唔應該喺Lucy咁細個嘅時候就畀佢拋頭露面。

其實早喺舊年,Lucy一段片段已經引起過爭議,片段拍低Lucy耍手示意唔想拍攝嘅行為,而梁志瑩上載短片嗰陣就留言指囡囡發脾氣︰「有人唔鍾意俾人影發脾四發脾四發脾四。」網民就鬧爆梁志瑩當Lucy係附屬品:「你明知你個女唔鍾意俾人影相,就咪X再影佢啦好冇?」、「真係當個女係搖錢樹」。

網上討論區亦充斥住唔同反對聲音,指梁志瑩用Lucy去賺錢:「擺明逼個女拍片」、「佢老母仲要不停利用佢嘅醜放大去搵著數」、「又搵小朋友搵快錢」及「又一件搖錢樹」等等。

面對種種指控,梁志瑩就喺帖文表示每次外出工作Lucy都好開心,似係去咗一個更大嘅遊樂場,而對於指責嘅人,佢就話:「對不起,我們並沒有按照你們喜歡的方式生活,是因為我就是我,你就是你。」,有唔少網民都留言表態支持。梁志瑩仲話每個人都應該順應自己意願去生活,先係對自己最好嘅交代,而佢亦曾經接受媒體訪問嗰陣話過,幫Lucy經營Instagram就好似一本回憶相簿,希望等Lucy大個之後當係禮物送畀佢。

梁志瑩絕對無受網民批評而改變,喺啱啱過去嘅母親節,佢就分享Lucy嘅示愛短片同埋佢嘅窩心行為,梁志瑩指自己當日同Lucy講唔舒服,叫佢自己玩一陣,Lucy就好乖咁喺到睇書,仲話:「好吖!我喺呢度睇書書等你吖」,繼續成功令一班粉絲心心眼。

李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能