李元元Lucy榮升家姐 李璨琛老婆疑為寶寶改定名?報喜帖文指要搲著數惹爭議

李元元Lucy榮升家姐 李璨琛老婆疑為寶寶改定名?報喜帖文指要搲著數惹爭議
李元元Lucy榮升家姐 李璨琛老婆疑為寶寶改定名?報喜帖文指要搲著數惹爭議

李璨琛(Sam)和老婆梁志瑩女兒李元元(Lucy)成為近年高人氣星二代,年紀細細嘅佢仲曾經同偶像MC張天賦拍廣告;梁志瑩幫佢經營嘅社交帳號更擁有38.1萬位追蹤者,勝過好多網紅。前日(27日),梁志瑩就藉李璨琛47歲生日出PO宣布再度懷孕消息;不過,其言論又再惹起爭議。

梁志瑩共分享兩張照片,一張為Lucy伏喺媽媽肚皮照;另一張為母女二人露出燦爛笑容並手拿超聲波相嘅合照,帖文寫道:「今日係爸爸生日,除咗想同佢講聲生日快樂之外,仲想同大家分享一個更開心嘅消息,就係:老母終於都再次懷!孕!了!因為個肚太唔明顯,但係老母又好想D(啲)人對佢再好D(啲):讓下位俾佢坐呀、扶下佢過馬路呀、買嘢排隊可以插隊呀、或者買嘢唔洗俾(畀)錢呀等等。所以決定要公佈(布)啦!決心要做一個無恥嘅孕婦,half way to go。」

唔少藝人及網民都留言恭喜,雖然梁志瑩未有透露寶寶性別,但似乎已經改好咗名:「今次究竟係Richard1.0,定Lucy2.0,大家估下」,意味如果生仔嘅話大有機會係叫Richard。亦有網民提議梁志瑩要諗個食到字嘅名,與Lucy配成一對,梁志瑩表示同意,直言:「意思唔緊要,最緊要食到字」;而網民就建議「元元整整」、「元元滿滿」、「元元碌碌」、「元元形形」等名字。部份網民就錯重點,將其放於梁志瑩指「老母又好想D人對佢再好D(啲)…」呢幾句說話之中,認為梁志瑩提出嘅行為足以影衰大肚婆。

李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)
李元元(Lucy)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!