李泳豪兄弟決裂拒聯絡 李泳漢:佢鍾意點講就點講

李家鼎仍非常關心前妻施明。
李家鼎仍非常關心前妻施明。

施明在家跌倒致頭部重創,要做開腦手術保命,目前仍昏迷留醫ICU,細仔李泳豪在她手術翌日與老婆出席活動,更Po相上網放閃,結果被網民圍插不孝。事後他解釋不想家事周圍講,應承了出席便守諾言,而笑住影相是裝作若無其事,想掩飾母親受傷一事。他質疑為何事件被公開,直指孖生哥哥是爆料者,自揭兄弟決裂!

父親李家鼎昨日親自為大孖澄清:「一定唔會係阿漢講,佢唔會咁做。(兩兄弟水火不容?)呢啲係家事,我會處理。」又坦言擔心施明而徹夜難眠:「我尋日都4點先瞓,依家又要去開工,雖然離咗婚,但始終都係老婆。」至於被細佬質疑放料的泳漢淡然說:「現階段最緊要媽媽冇事,其他嘢唔想再講。」

前日李泳豪接受無綫娛樂新聞台訪問,提起哥哥句句有骨:「我唔需要同佢聯絡,佢亦冇同我聯絡,我能夠叫佢做嘅,就係唔好講咁多嘢!」對此李泳漢只說:「爸爸已經講咗唔係我爆料,佢仲要咁講我都冇辦法,我真係唔想佢講一句,我又要回一句,佢鍾意點講就點講。其實呢幾日都有好多傳媒搵我,我全部都冇回應。」

李泳漢
李泳漢