李玟離世︳老公Bruce Rockowitz同盛智文創業發跡 傳擁20億身家

李玟Coco輕生離世前，曾傳出佢同結婚12年嘅加籍老公Bruce Rockowitz樂裕民感情生變，更有報導引述消息指，近期Bruce未有返工，懷疑佢當時已得知Coco情況。另外亦有消息指Bruce喺Coco輕生送院時並不在港，獲悉後翌日已即時返港。

65歲嘅Bruce Rockowitz係加拿大人，曾於美國佛蒙特大學就讀但中途輟學，後來來港喺唔少富豪出入嘅鄉村俱樂部教網球，曾經教過利豐集團馮氏兄弟打波。後來Bruce認識同為加籍嘅「蘭桂坊之父」盛智文，二人共同創立成衣貿易公司，賺到第一桶金。2000年，利豐收購Bruce嘅成衣貿易公司，Bruce亦加入利豐，並於2011至14年成為集團CEO。2014年，利豐將旗下業務分拆成利標品牌上市，Bruce成為利標CEO，掛牌當日Coco亦有份撐場。而Coco同年開慈善演唱會，受訪時亦提到馮氏兄弟有出手襄助。

Bruce仲創立咗健身及餐飲連鎖集團Pure，曾經被傳身家有20億港元，單係以前同Coco入住嘅赤柱豪宅就估計價值過億。Bruce有過另一段婚姻，Coco生前透露同2個繼女關係唔錯。

李玟離世相關內容：

｜李玟離世︳曾辦億元婚禮 李玟與加籍富商樂裕民分居2年正辦離婚手續

｜李玟CoCo 家中輕生與世長辭 終年 48 歲

｜李玟離世︳唱國語歌走紅 李玟其實係香港人 住南區過億豪宅 同香港好有淵源

｜李玟離世︱輕生前留給粉絲 40 秒錄音 「非常想念大家，我在努力」

｜王力宏痛別李玟！相識30年見證她成為巨星

｜李玟左腿開刀影片曝光！自稱女戰士粉絲淚崩

｜奧斯卡豪語「我要拚命唱」 李安追思李玟

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！