杜拜人工島 豪華水中別墅

阿聯猶嘅杜拜，擁有全世界最大嘅人工島。其中以模擬地球板圖而堆砌嘅「世界」(The World)人工島，最近喺「歐洲心臟」(the Heart of Europe)就有新搞作，將會喺附近海面設置漂浮別墅，改名做「漂浮海馬」(Floating Seahorse)。真喺一半別墅浮喺水面，一半就浸喺水底，透明玻璃望住水底世界，唔小心會以為自己喺條美人魚。

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

靈感來自馬爾代夫水上屋嘅漂浮海馬，主要分三層，底層就喺水底，有主臥室同浴室，都喺落地透明玻璃設計，浴室有浴缸，令住客無論攤喺雙人大床，定浸喺泡泡浴當中，都要投入人魚世界。中層喺甲板，浮喺水平面，客廳、飯廳、廚房都有齊，外部有延伸甲板，中間重有個休憩繩網，唔使濕身，都可以同大海玩遊戲。上層就有一個大浴缸，大家浸住冷暖水，吹下水，寫意呀呢?每棟漂浮海馬造價$220萬英鎊(約$2488萬港幣)，目標2018年起好131棟，但最先第一期，最快今年秋天就開放。

每棟漂浮海馬都有管家、客房同私人廚師服務，全屋冷暖氣都有，唔單止奢華寫意，重有高科技配置。

水上屋底層係正水底，尤如一個海底水族館，唔知遲下Airbnb有無得住下呢？！

漂浮海馬喺歐洲心臟嘅其中一項發展，而目標將總面積600萬平方尺嘅島嶼(包括︰歐洲、摩納哥、德國、瑞典、瑞士同聖彼德堡)，發展成迷人嘅度假勝地，計劃會有白色沙灘、淺潟湖、熱帶花園、豪華酒店、度假村、酒吧、餐廳、商店等等。

更多相關文章

最貴旅遊熱門地 杜拜當之無愧

全球最高杜拜哈里法塔睇日出

杜拜富豪水上屋