東張西望｜梁菁琳身材豐滿成新一代東張女神 雙學士一級榮譽畢業係學霸港姐？

TVB《東張西望》以報道社會時事及民生議題獲得唔少正評，過往利穎怡、李旻芳、阮嘉敏等主持人經常問到受訪者口啞啞，被封為《東張》女神；而近日新加入做外景主持嘅梁菁琳（Katerina）就成為網民討論焦點，被指係新一代女神。

梁菁琳現年27歲，係2021年嘅落選港姐，加入《東張西望》至今僅約3個月，不過採訪時口才了得，絕對秉承咗師姐們窮追不捨嘅精神。網民除咗大讚梁菁琳採訪技巧出色，亦將焦點放於佢嘅身材與穿搭上；就好似日前梁菁琳喺節目著上一件緊身啡色毛毛上衣，仲刻意解開胸前一粒鈕扣，豐滿身材盡顯人前。梁菁琳另一個露肩緊身上衣造型亦被網民大讚。

而其實梁菁琳參選香港小姐前係一名獸醫，當年花上6年時間修讀有關貓狗、農場動物及研究雀鳥胃部真菌感染嘅科目，以雙重一級榮譽於世界排名前50名嘅澳洲雪梨大學畢業，絕對係名符其實嘅才女。雖然梁菁琳簽約TVB，但熱愛動物嘅佢從未放棄獸醫事業與推廣動物福利嘅志向，佢曾透露自己過往一直都有喺香港做動物拯救工作，亦準備考北美洲嘅獸醫執業試，希望多棲發展，幫助動物之餘，keep住做主持工作及嘗試拍劇。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！