東張西望|男童遭大狗咬傷臉 狗主否認並斥家長敲詐 7 萬元 家長指責狗主疏忽 拒白紙黑字寫協議

TVB《東張西望》上周節目,指有家長報料指 6 月帶兒子到寵物用品展時,兒子想跟一隻大狗拍照,但最後被狗咬傷臉部,差點毀容。家長指狗主原先表示會為事件負責,但最後無做到;狗主就否認自己的狗咬傷小孩,又指家長講大話。《東張》昨晚(28 日)播放事件第三集內容,繼續跟進雙方回應。狗主繼續否認自己的狗咬傷小朋友,又指家長索償 7 萬元並不合理;家長就指 7 萬元只是小額錢債審裁處的索償上限,他們曾經提議較低金額但未獲正面回應,又指狗主拒絕白紙黑字確認事件並展開賠償程序。

節目提出了多個問題,首先是小朋友摸狗前有否得到狗主同意。家長麥先生說,兒子沒有攻擊該狗隻,「佢只係行埋去要同隻狗合照,而你作為狗主是同意,就算你話我個仔可能想抱佢,但未抱,佢都已經咬咗。」麥先生又質疑場地有不少人經過,為何狗主當初不為狗隻戴狗口罩,「有事之後就即刻幫佢戴返個口罩,係咩意思?你係咪害怕佢之後再傷到另一個人?如果係咁,係咪你當初無意識佢有可能傷到別人?」

麥生指兒子沒有攻擊該狗。
麥生指兒子沒有攻擊該狗。
麥生指狗主並非在入場前就為狗戴口罩是有過失。
麥生指狗主並非在入場前就為狗戴口罩是有過失。

不過,節目找來目擊證人 Ale 提供另一版本。Ale 指當日在場內拍照,拍完照後就走開兩步,「之後就見到後面有個小朋友衝埋嚟,攬住咗(隻狗)。男主人已經即刻叫唔好,但都遲喇,件事已經發生咗。佢父母都唔係即刻過嚟,係喺好遠的地方跑過嚟。」

有目擊證人指小朋友是衝去狗隻並攬著牠。
有目擊證人指小朋友是衝去狗隻並攬著牠。

至於小朋友受傷的原因,節目引述狗主阿 May 說,漁護署看了小朋友受傷照片,「佢同我講,呢個唔係咬痕,因為冇牙窿,好明顯係一行打橫拖落去」;不過家長麥生和麥太就不認同,其中麥太展示了兒子當時佩戴的口罩,指口罩仍然有狗咬的牙痕,口罩有血漬,並指有一邊口罩繩已經遺失;麥太並展示了兒子當日所穿的上衣,衣上仍有血漬,「如果你話擦傷,請問點解會流咁多血?」至於麥生就表示,第三方醫療報告、警察報告、漁護署報告,都是指其子遭咬傷(biting injury),醫院的報告都指是被狗咬傷(wound due to dog bite),「邊個證明漁護署曾經講係擦親?我有文件,你無文件。」

狗主 May 指漁護署職員指小朋友受傷的位置並非咬痕。
狗主 May 指漁護署職員指小朋友受傷的位置並非咬痕。
麥太展示兒子的口罩
麥太展示兒子的口罩
麥太展示兒子的口罩,指有狗隻咬痕
麥太展示兒子的口罩,指有狗隻咬痕
麥太展示兒子的上衣
麥太展示兒子的上衣
麥生一方展示醫療報告
麥生一方展示醫療報告

對於賠償問題,阿 May 就認為麥生一方是敲詐。她表示,麥生曾向她表示,指自己上網看過案例,要求賠 7 萬元;麥生就否認向他索償 7 萬元,指講法是斷章取義。他表示,知道事件不涉刑事,而小額錢債審裁處的索償上限就是 7 萬元,「我話要你賠 7 萬,我諗你都唔接受,所以我話不如拎個中間數,3、4 萬元,你覺得如何?但佢冇答實我,反而問返我『你覺得呢個金額係點』,我根本就唔知你心目中個金額係幾多」。

狗主指麥生一方要求賠七萬元
狗主指麥生一方要求賠七萬元
麥生指期望在 7 萬元小額錢債索償上限中間落墨,索償 3、4 萬元
麥生指期望在 7 萬元小額錢債索償上限中間落墨,索償 3、4 萬元
麥生指期望在 7 萬元小額錢債索償上限中間落墨,索償 3、4 萬元
麥生指期望在 7 萬元小額錢債索償上限中間落墨,索償 3、4 萬元

麥生指,當時他們是在急症室商議,又提議找一張白紙寫下賠償協議內容,「佢就同我講,拎部手機出嚟,話喺佢手機上簽我個名。我就話咁樣唔得,乜嘢文件都無,得我簽名,又無你簽名,我點知你喺上面加乜嘢內容落去?」麥生指,狗主始終不願意答應他白紙黑字擬定協議內容並簽署,結果一直達不到共識。

麥生指狗主拒絕白紙黑字共同制訂協議
麥生指狗主拒絕白紙黑字共同制訂協議

節目之後展示了一些單據,是麥生一方購買補品的單據,包括石崇魚索價 1 萬元,花膠索價 4,080 元等,並引述網民稱麥生希望狗主支付這些費用。麥太就解釋,是奶奶愛孫心切,於是兩個月來多次購買石崇魚煲湯,每次千多元,「我哋希望佢康復得好啲」;麥生就指「我叫媽咪拎返單返嚟,我係唔知幾多錢,我收到單就交俾律師。律師認為應唔應該追筆錢,已經唔係我決定。如果佢(狗主)認為呢筆錢唔應該由佢畀,其實唔緊要,佢係可以去律師樓同我傾。」而節目指,他們曾經收過麥生提交的律師信草稿,上面有寫過要求賠償 16,080 元,並指該筆費用曾用於買「tonic food」(補品),但就無從得知往後的律師信賠償內容和金額。

麥生最後表示,希望事件能圓滿解決,「如果你認為唔需要賠錢,請你向我律師樓講,點解你覺得自己一蚊都唔使賠,或者係一百蚊,點都好,你可唔可以同我律師樓講,或者正面同我傾一傾?」

麥生一方購買補品單據
麥生一方購買補品單據
麥太指補品是由奶奶購買
麥太指補品是由奶奶購買
麥生指狗主可以提出理據,重訂賠償金額
麥生指狗主可以提出理據,重訂賠償金額
麥生的律師信草稿,曾指要索償 1.6 萬元
麥生的律師信草稿,曾指要索償 1.6 萬元