林作邀向佐唔戴頭盔打比賽 網民擔心玩太大建議簽生死狀：費事要人地孭條謀殺罪

林作上個月喺「百萬擂台戰」落敗鍾培生，不過佢依然對自己拳技充滿信心，主動喺微博向啱啱喺內地格鬥比賽綜藝節目《拳力以赴的我們》中落敗嘅向佐下戰書，邀請佢喺兩地通關後互相較量。

向佐係向華強兒子同時又係藝人，早前參與內地格鬥比賽綜藝節目《拳力以赴的我們》對戰內地歌手肖順堯，以22：23分落敗，向佐其實喺賽前聲勢浩大，唔少人都以為佢會勝出。向佐將落敗原因歸咎於大會安排不當，指戴頭盔比賽限制咗佢約八成功力，不過網民對呢番說話就表示唔同意，仲批評佢無品又無體育精神等等。

林作加入戰團抽撃向佐，先喺微博直接點名向佐，力邀對方嚟一場唔戴頭盔嘅較量，寫道：「致親愛的向佐先生，我本人和姓向的都特別有緣。我老闆姓向，是你叔叔。我師父姓向，可能是你遠親。我和有錢仔也特別有緣，類似終賠生的，人人都想打我。等開關後，我上來和您較量較量。不戴頭盔，本人將中國古拳法、金蛇纏絲手，好好在祖國發揚光大」。事後林作又喺FB承諾：「擂台上你向左，我就會向右。你同終賠生一樣，捉我唔到。而且今次，我仲會識打番你。」

網民紛紛留言指擔心林作玩太大：「你真係嫌命長，無啦啦走去撩人，仲要撩個你惹唔起嘅人」、「就算比你上到台又行尼行去過到骨，我驚你撩興唔係一個人咁簡單，係成個家族呀，你係作仔炸。」、「我驚你死於非命」及「記得簽生死狀先好打，費事一陣要人地孭條謀殺罪。」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！