林保怡相隔13年回巢TVB拍劇 佛山趕工中卻被網民誤當係其他演員？

現年58歲嘅林保怡係公認嘅實力派演員，入行至今飾演過唔少經典角色，例如《妙手仁心》Henry、《天與地》鼓佬及《金枝慾孽》孫白颺等等，早前更憑電影《白日之下》飾演院長一角獲提名金像獎最佳男主角，演技毋庸置疑。離巢TVB已經13年嘅佢，近日回巢拍攝劇集《刑偵12》，現時正在佛山趕工，更有唔少當地居民見到佢嘅蹤影，並上載到小紅書，但竟然有網民誤當佢係戴耀明又話佢係撻沙哥彭懷安（原名彭迪安）。

較早前林保怡直認回巢拍攝新劇《刑偵12》，每日抽3至4小時讀劇本，同監製一齊研究點樣可以將劇本發揮得更加出色。今次佢喺劇中做男一嘅佢，現時正在佛山趕工，除咗被唔少當地居民要求合照之外，更有網民佢偷拍嘅幾張相片上載到小紅書，並留言話：「獨佔稀有最佳圍觀雅座，真人靚過上鏡！」之後，有網民誤當佢係戴耀明或撻沙哥彭懷安，留言話：「戴耀明？」、「現場圍觀的朋友說是撻沙」、「看起來是彭懷安，撻沙哥」及「我也覺得是撻沙」等等。不過後來發現彭懷安都有份拍攝，唔知係美麗嘅誤會，定係網民真係認錯咗呢？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！