林夏薇YoYo 假替身.真眼淚

東方日報
·1 分鐘文章
YoYo(左)與林夏薇於節目中大晒演技,投入到堅喊。
YoYo(左)與林夏薇於節目中大晒演技,投入到堅喊。

無綫劇集《逆天奇案》一眾演員林夏薇、馮盈盈、陳展鵬及參與《好聲好戲》的藝人陳自瑤(YoYo)和張振朗等,前晚為節目《開心大綜藝》擔任嘉賓。期間林夏薇與YoYo於表演環節扮演替身,YoYo要扮被糟質、掌摑及掟落軟墊,之後二人更投入到流下真眼淚,夠晒入戲。於男女對唱劇集主題曲環節中,黃智賢、蔣祖曼、劉佩玥及海俊傑獻唱《難兄難弟》,並大跳懷舊舞步。

林夏薇與陳展鵬亦分別領軍獻唱比試,二人事後齊受訪,她笑言喜歡躲在洗手間練歌,更指老公很緊張,會挑剔其音準,笑言自己似參加《聲夢傳奇》。而展鵬笑指囡囡睇電視的「新發現」:「佢會覺得奇怪點解有2個爸爸,一個喺身邊、一個喺電視,而我真人冇咁吸引,佢望一陣就會睇番電視,唔識貨呀!」