林明禎擇偶 謝絕化妝男

自認貪靚的林明禎,大賣甜美笑容。
自認貪靚的林明禎,大賣甜美笑容。

馬來西亞女神林明禎昨日以紅色開衩裙現身護膚品牌活動,林母到場支持。林明禎自認近年愈來愈貪靚,會研究保養秘訣,幸獲贊助,令她慳回不少。問到會否要求另一半跟她同樣貪靚?她即時搖頭:「唔使,佢幫我貪靚就得。(接唔接受到男友化妝?)唔係好習慣,因為我身邊冇男性朋友化妝。(好多男藝人都化妝。)如果為工作係可以,但平時就唔得,因我平時都唔化妝,我驚我要等佢出門口。我係可以隨時出門口嘅人,只要戴頂帽同着對拖鞋就得。」她透露最近日以繼夜拍戲兼無啖好食,待煞科後計劃跟媽咪到歐洲旅遊叉電,以及放肆大吃。