【林燕玲老公葉浩文疑出軌】「小飛俠」11年前拖已婚才俊龔耀輝酒店密會

·2 分鐘文章
【林燕玲老公出軌】「小飛俠」11年前拖已婚才俊龔耀輝酒店密會
【林燕玲老公出軌】「小飛俠」11年前拖已婚才俊龔耀輝酒店密會

今日有報導踢爆,前TVB女主播、人稱「小飛俠」嘅林燕玲(Ruby),佢任職財經界嘅老公葉浩文(Kirk)同落選港姐周依婷(Phoebe)過從甚密。報導提及葉浩文同周依婷本來係同事,因此關係變得密切,仲經常一齊買早餐、食晏兼齊齊收工走人,即使葉浩文轉工都保持聯絡,影到葉專登過海搵Phoebe食飯,兼且有親密行徑添。據估計,Kirk懷疑喺Ruby陀住BB期間,已經同Phoebe有嘢!

【林燕玲老公出軌】「小飛俠」11年前拖已婚才俊龔耀輝酒店密會
【林燕玲老公出軌】「小飛俠」11年前拖已婚才俊龔耀輝酒店密會

呢單新聞引起唔少網民回帶,諗起11年前林燕玲被周刊影到密會已婚才俊龔耀輝嘅緋聞!

2009年,由TVB過檔NOW做首席財經主播嘅林燕玲,被傳同筆名「方卓如」嘅金融界人士龔耀輝有來往。龔耀輝曾經參加2008年立法會選舉出戰會計界功能組別,喺一次投資講座上認識負責做主持嘅林燕玲,之後財經界開始傳出二人出雙入對嘅消息。有傳媒跟蹤林燕玲多日,發現疑似龔耀輝揸住架跑車接載Ruby返工放工,最爆嘅係目擊一晚收工之後,龔耀輝接Ruby放工後,極速驅車到數碼港一間酒店。

【林燕玲老公出軌】「小飛俠」11年前拖已婚才俊龔耀輝酒店密會
【林燕玲老公出軌】「小飛俠」11年前拖已婚才俊龔耀輝酒店密會

根據當時報導,二人到埗後先睇清楚環境,確定冇熟人喺附近就分頭上房,2個鐘頭後先再次現身。有記者致電酒店,確認龔耀輝當晚有預訂房間的紀錄。後來記者將相片俾龔耀輝太太睇,似乎龔太當時先知老公嘅艷遇。

【林燕玲老公出軌】「小飛俠」11年前拖已婚才俊龔耀輝酒店密會
【林燕玲老公出軌】「小飛俠」11年前拖已婚才俊龔耀輝酒店密會

事後電視台立即安排林燕玲放假,風頭稍過後都只係調派Ruby做外電組翻譯工作,後來索性辭職轉戰金融界,曾於渣打銀行及林建岳旗下麗新集團任職。3年前林燕玲同拍拖一年幾嘅金融界男友葉浩文結婚,今年4月兒子葉星辰出世。

【相關搜尋】前新聞主播柳俊江鬧婚變