林盛斌大把Job取消 杜穎珊開業變停業

·1 分鐘文章
雖然工作取消,但林盛斌認為平安健康更重要!
雖然工作取消,但林盛斌認為平安健康更重要!

藝人林盛斌(Bob)前日上載與經理人開會對Job的照片,相中經理人頭耷耷睇住手機及Notebook,原來正跟Bob談及有好多主持工作都會取消或延期,Bob留言:「聽住個經理人逐單逐單話畀你知,嚟緊邊單Cancel咗,邊單無限期Postpone,個感覺就好似兩年前咁,好夢幻!惟有不斷同自己講:『搵得番嘅,呢一刻,最緊要平安、健康!』」不少圈中人包括陳敏之及麥美恩等都留言畀支持。

另外,「無綫小花」杜穎珊(Sandy)於一個月前開了一間瑜伽中心,剛剛開業反應不俗,但因防疫措施要即時停業,她說:「係呀!好慘呀!因為之前都試過可以4個人一班,依家直頭係要封晒。啱啱開咗一個月就要停業,依家會幫中心嘅學生延期,唔想有啲唔好嘅Noise,都要咁樣做。收到消息都要即刻通知學生,調晒啲上課期,暫時兩個星期冇得開,損失最少5位數字。如果要再延遲我都好驚,要計一計條數。」原本她會上郵輪玩,但亦因疫情關係,出門口前突然被通知取消,今次可說是「雙失」!

杜穎珊擔心瑜伽中心被延長停業期。
杜穎珊擔心瑜伽中心被延長停業期。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能