柳俊江生前女友Grace為柳媽媽慶生抒發心聲「請選擇做個有情有義的人」

前新聞主播柳俊江（柳爺）今年一月於大埔寓所身亡，終年42歲。柳爺生前女友Grace(麥紫玲）一度被網民指責，但Grace似乎同柳爺家人仍有聯絡，而且關係不俗。

早前Grace喺個人IG 分享多張為柳爺媽媽慶祝生日嘅相片，相中柳爺家人同Grace一齊打邊爐，影相時Grace亦挨住柳媽媽，相信各人都從傷痛中逐漸復元。而Grace喺其中一張相度抒發心聲，寫道「無論什麼環境，請選擇做一個有情有義的人」。

其實喺柳爺離世後，柳爺家人都post過Grace同佢地去慈山寺嘅相，而柳爺4月生忌時，佢細佬都喺IG post出家人同Grace嘅合照，祝福哥哥生日快樂。

柳俊江2010年同大學認識嘅女友Florence（雷康怡）結婚，並育有一對仔女，但二人於2020年離婚。2021年柳爺同跳高運動員楊文蔚經理人Grace拍拖，不時分享甜蜜照，但去年柳爺已經冇喺社交平台放閃，更搬到村屋居住。有報導指柳爺出事前曾經同Grace見面，噩耗傳出後Grace更飽受網民留言攻擊。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！