校內高材生鍾柔美台北旅行出PO被發現連環錯別字 網民擔心影響升學

唔少藝人都鍾意喺社交網站開PO同粉絲分享佢哋嘅生活，不過過往曾經有唔少藝人因為打錯字，而淪為笑柄，好似吳業坤（坤哥）將「吃好東西」寫成「吃好西」及連詩雅將「rest in peace」寫成「rest in piece」等等，而最新就有校內高材生鍾柔美（Yumi）。

現年17歲嘅「聲夢小花」鍾柔美係應屆DSE考生，喺校內以第一名成績優異畢業，但可惜放榜後佢表示對DSE成績不滿。近日佢就同朋友前往台北旅行，仲上載放天燈祈願嘅照片和影片到社交網站與網民分享，並寫上：「I've missed Taipei already」，不過有眼利網民見到天燈上寫上祈願字句有唔少錯字：「每日都比（畀）幸運女神春（眷）顧，入到心義（儀）大學，演藝事業，跳唱越來越勁！步步高升（陞）。」網民留言好心提醒及擔心影響升學，例如「心儀。希望。。。錯別字不會影響升學。」及「欣賞你的舞技但見到有幾個錯別字想善意提醒你不要介意“眷”顧，心”儀”，步步高”陞”，”越”來”越”」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！