梁家輝電影經典台詞「坐馬自達怪不得你塞車」成梗圖 相隔26年做代言人

梁家輝電影經典台詞「坐馬自達怪不得你塞車」成梗圖 相隔26年做代言人

65歲香港電影金像獎影帝梁家輝早前拍攝內地愛情電影《我愛你!》,更與葉童相隔32年再演情侶,令唔少影迷感到期待。梁家輝屹立影壇已40年,上個月接受馬時亨訪談式節目《馬時亨 香港情》訪問時,表示自己經歷咗140幾個唔同嘅人生,即已拍咗140多部電影。當中涉及唔少經典作,包括1997年《黑金》,梁家輝於戲中一句台詞「我們坐的都是賓士、勞斯萊斯,你坐馬自達,怪不得你塞車。」更成為網民至今愛用來調侃馬自達(MAZDA)嘅梗圖。26年後,有傳梁家輝將成為馬自達車款「CX-50」代言人,網路上更流傳著一張梁家輝神情認真地拎住馬自達最新CX-50模型車嘅照片,掀起話題。

長安馬自達於6月5日微博發布一張CX-50模型車宣傳圖,圖片中更有一名男士剪影,並寫下4大提示:「中國香港金像獎影帝」、「與MAZADA有著深厚淵源」、「從影經歷40餘年」、「中國電影百年百位優秀演員之一」,著大家透過關鍵詞競猜代言人身份,唔少網民都留言估嗰個代言人就係梁家輝,又寫下佢嘅經典台詞:「塞車梗終於要被終結了嗎?梁家輝與馬自達有著深厚淵源」、「這個必須讚,新的廣告詞已想好:你坐馬自達,難怪你不塞車」。長安馬自達未有對外公開其照片或影片,梁家輝及後接受訪問時表示:「開馬自達怎麼會塞車呢?我想講嘅係馬自達像賽車,當年是我中文不好。」網民紛紛表示好好笑。

微博圖片
微博圖片
微博圖片
微博圖片
微博圖片
微博圖片

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!