森美專欄：追女仔的大忌

Cosmo

最近喺網上見到好幾幅whatsapp cap圖，內容都係出自一個想追「仙氣」女神嘅毒男，但從圖中可見呢個毒男犯哂所有追女仔嘅大忌！

其實有咩方法可以追到女神吸仙氣呢？首先要知道，一個有仙氣嘅女神係唔會喺卡啦OK吓搖骰盅、飲多幾杯夠大膽開口就追得到。

普通女仔可能你用曲線打擊方法就得，即係人人對佢好，你偏偏對佢差，佢就覺得你特別，但有仙氣嘅女仔喺天界生活，不食人間煙火，只貪圖人間嘅樂趣，所以要追仙氣女神第一步係千祈唔好自悲，因為凡人有凡人嘅生活，凡人有凡人嘅性格，你越自卑只會越顯得你地距離遠。

<<閱讀更多>> 10個WHATSAPP已讀不回的原因

作為凡人，你應該要凸顯凡人嘅有趣之處，不停帶佢去食人間煙火，帶佢試啲未試過嘅野，例如佢未食過大排檔就揀間好味嘅帶佢去食，然後一路食一路同佢講：「其他地方啲牛腩都係冰鮮，得呢間係新鮮本地牛，香港冇幾多間，三星米芝蓮餐廳都搵唔到！」

<<閱讀更多>>耍點機心！ 4句秒速令他心如鹿撞的話語

咁樣去俾佢經歷凡人嘅有趣生活，佢就自然會覺得天上雖好都不及人間好坃，然後佢就會逃離天界，甘心喺凡間同你做凡人。所以追仙氣女神秘訣好簡單，以自傲心態加上凡夫俗子嘅有趣去引仙下凡就得！

作者Profile:

DJ、金牌司儀、棟篤笑講者、製作公司老闆、專欄作家，他不放過任何渠道，誓要透過不同身份、不同平台發揮源源創意。

<<閱讀更多>>6大經典熒幕女神

Related Articles


More from Cosmopolitan