楊千嬅陳楚生合唱獲讚「神級合作」 香港網民反應兩極：行走的翻版CD

楊千嬅近年主力喺內地發展，係綜藝節目常客。除咗《妻子的浪漫旅行3》以及與老公丁子高一同出演嘅真人騷《做家務的男人》，令佢喺內地人氣急升。音樂節目《為歌而讚》與內地歌手余佳運合唱譚詠麟歌曲《一生中最愛》亦被內地網民盛讚佢嘅歌聲如「行走中的CD」；而早前楊千嬅喺歌唱綜藝節目《誰是寶藏歌手》與陳楚生合唱Beyond經典廣東歌《情人》更被形容為「神級合作」。

陳楚生喺微博分享演唱影片，並指與楊千嬅演繹《情人》係一拍即合，而楊千嬅亦有轉發帖文，大量網民留言激讚：「超級好聽，單曲循環了」、「聽你們的聲音觸碰的感性之處，顱內瞬間高潮」、「睡前腦海一直蕩漾著旋律，回味悠長」等等。

不過內地網民與香港網民對楊千嬅嘅評價似乎甚為兩極，事關喺官方YouTube頻道上載楊千嬅與陳楚生嘅演唱影片，香港網民就留言直指楊千嬅唱歌無技巧可言，例如「楊千嬅成把聲唔同咗，修音修過頭了吧？勁難聽！」、「第一句就唱錯歌詞」、「咬字之作狀你估八十年代咩」、「聲色藝佳欠奉，佢走紅係一個奇績， 亦係香港樂壇嘅悲哀。」等等。

另外，有網民更將影片分享至討論區，同樣獲得一面倒負評，認為係「行走的番版（翻版）CD」多過「行走中的CD」，甚至將焦點放係楊千嬅造型之上：「戚下條眉代表唱歌有感情呀! 隔住個mon都見到你粉底勁厚….OMG!」、「個樣同樓下賣菜嘅阿嬸差唔多」、「塊面又脹又厚粉，應該都唔止一層粉，可能十層粉都有（落左妝都唔知點）」、「著到好似奔喪咁」等等，明顯同內地網民口味完全唔同。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！