楊思琦望母女檔娛闖圈

東方日報
·2 分鐘文章
楊思琦為照顧子女,難以抽身拍劇「止戲癮」。
楊思琦為照顧子女,難以抽身拍劇「止戲癮」。

藝人楊思琦為劇集唱「洗腦歌」過足歌癮,將來也希望母女檔合唱!不過問到會否讓兒女入行?她表示要讀完書再看看:「個女都鍾意表演嘅!」

香港開電視早前邀請楊思琦為外購日劇《夏空》唱主題曲,今次是她相隔10年後再唱劇集主題歌,雖然去年曾推出歌曲《愛的森林》,但向來做事認真的她特別請唱歌老師上堂,指點技巧:「接到電話話搵我唱歌,話故事嘅女主角似『阿信』咁,好似我咁堅毅、奮鬥,好快應承咗!首歌好明快、鼓舞同陽光,套劇有成百集,工作人員都話係『洗腦歌』,希望同大家洗腦打氣!喺屋企練歌嗰陣,個女都會跟住唱,仲同晒啲同學講,之前又派《愛》嘅CD畀同學,係我頭號Fans。」

踢爆囡囡唔夠勤力

思琦希望將來有機會母女檔合唱,但指女兒的性格與她大不同:「佢嘅天分係好鬼靈精,腦筋好靈活、反應快,估唔到佢諗咩,但就唔夠勤力,同我性格好唔同。」兒子則開始牙牙學語,聽到音樂會手舞足蹈,似乎遺傳了媽媽的演藝天分!對於兒女入行,她表示順其自然:「個女都鍾意表演嘅,等佢讀好啲書先再講啦!」除了歌癮,拍劇多年的她亦戲癮大發,但礙於疫情及照顧子女,暫時難以抽身到內地拍劇,希望遇到合適的香港演出,就能家庭事業兩兼顧。

疫情下與兒女朝夕相對,思琦坦言補償當年照顧女兒參與度不足:「生咗第1胎後2個月就開始做嘢,個仔就200%照顧,辛苦但係開心。」又直言2個夠晒數,湊成「好」字已滿足:「唔生喇!年紀大好難收身,亦冇咁多精力、體力照顧。」

楊思琦指女兒有表演欲,不介意她入行。
楊思琦指女兒有表演欲,不介意她入行。
楊思琦相隔多年再唱劇集主題曲,疫境中為大家打氣。
楊思琦相隔多年再唱劇集主題曲,疫境中為大家打氣。