歐美研究一生人最理想性伴侶數為7人 15以上算濫交？

成日聽到啲人話有咩處女情意結，come on James，成熟啲啦，而家咩年代，仲玩要求女性三貞五烈？你會唔會思想迂腐咗啲？而家婚前性行為都唔係啲咩大不了嘅事，甚至女星一個二個都係奉子成婚。不過如果有過太多性經驗，又話被人話濫交，太少（特別係男仔）又被人笑「青頭仔」，咁到底點先叫啱啱好？

Superdrug Online Doctor就搵咗2,180個歐美男女做性伴侶調查，發現佢哋覺得一生中最理想的性伴侶數目，男人為7.6，女人為7.5。至於過咗幾多會被人覺得係濫交？女人就覺得15.2係上限，男人就覺得係14，真係夠組一隊足球隊，佢哋接受程度都幾大，如果係香港，女仔實被人話公廁，真係so sad。

至於點先算少，女仔少過1.9、男仔少過2.3性伴侶數目，就會被人覺得你太保守啦，睇嚟歐美覺得唔係處係好平常嘅事，香港又話國際都會，性觀念都落後過人，其實有過性經驗都好閒啫⋯⋯

而歐美人都唔介意同另一半分享性史，接近70%男女都會係拍拖之後4個月內同另一半講，67.4%女性同58.6%男性都唔會謊報性伴侶數目。 當中，只有9%嘅人會因為另一半有過太多性經驗而非常想同佢分手。睇嚟喺佢哋眼中，性經驗多少又如何？最緊要你愛佢咪得囉。

如果覺得香港地太保守，去浪漫嘅法國或者熱情如火嘅西班牙就啱哂你啦，因為佢哋理想嘅Sex partner數量分別為10同9，係歐美國家中最高架，仲唔快啲買機票？