雅虎香港新聞 洗澡時浴室爆玻璃 港住客staycation 出意外 網民形容如血案現場
香港人宜家無得外遊，Staycation 成為最大娛樂節目。近日有網民在多達15.2萬成員的社交網站群組「香港 Staycation 酒店交流谷」上載入住九龍富豪酒店洗澡後浴缸玻璃門爆破並附有受傷照片。有網民形容 「血案發現場咁喎」...
從照片中看到事主手腳均被玻璃刺傷要入院治理，並發帖文控訴「酒店員工推卸責任，服務欠佳，態度非常惡劣 ，亳無歉意，又無誠意，永遠也不入住此酒店」。
由於帖文時事主只簡單交代，而未有詳細事發經過，而引起網民熱烈討論。當中多位網民提到玻璃或可能因為自爆而導致是次意外，並分享親身經歷。
「玻璃真有可能自己爆，我家有塊玻璃都係自己爆，慢慢爆，發出渣渣響聲」
「爆玻璃真係唔奇，親眼見過酒店餐廳，冇人行埋去，突然成塊玻璃自爆碎晒」
事主期後留言補充「洗澡後輕輕拉開浴缸玻璃門，突然爆破，很驚嚇」
「感謝朋友用毛巾掃走地上玻璃，及浴缸玻璃，致電999入政府醫院，因急症室太多人，搭的士到聖德肋撒醫院治理」
有曾經入住同一酒店的網民表示「其實佢度浴門好化學， 我先前去過我都驚佢浴門會爆， 佢安裝係浴缸個位好似好容易會甩」
及後又有網民認為酒店浴室設計問題所致「浴缸設計係半邊可左右趟玻璃，有機會係冲涼時出入撞到，又或者玻璃偏離路軌跌落」
「浴缸根本唔應該用趟既玻璃。一跣腳，手一撐就爆。」
來源：FB@香港 Staycation 酒店交流谷
去Staycation 始終是放假開心事，作為住客當然不想有任何意外影響心情啦！
不想成為下一位，入住前記得睇清楚以下5大可能中伏位，好好保護自己啦！
更多相關文章
【Staycation 酒店安全】大門、設施、房間5個最易中伏位
