涉抄韓唱片封套 林奕匡認衰:以後會小心

東方日報
·1 分鐘文章
林奕匡收到網民通知後,即時向公司反映問題,承諾以後更小心。
林奕匡收到網民通知後,即時向公司反映問題,承諾以後更小心。

唱作歌手林奕匡(Phil)年初推出新歌《時間的囚犯》,被揭懷疑抄襲韓國歌手Zico於3年前發行的專輯《THINKING》封面,兩者同樣走灰黑Tone,2人都是坐在中央凝望牆上反射的自己,設計相似度達9成!

記者聯絡上Phil,他語氣沉重地說:「影呢個封面嘅時候,我冇見過Zico個封面,所以唔知會咁相似,直至2個星期前有人留言話畀我聽,先知有呢件事。」並語帶責備說:「我一知道即刻同公司、團隊講,我哋真係唔可以有啲咁嘅事發生,無論係有意、無意都好,我哋會加倍小心。(點補救?)以後會小心處理,加倍留意,亦會同創作團隊溝通多啲。」