【港人移民】6大移民國家要求＋門檻！

馬爾他＋厄瓜多爾最親民貼地

香港生活步伐急促，日趕夜趕，真係唔係個個都鍾意，尤其係呢個動盪時期，相信又引發新一輪移民潮！不過移民呢回事，點都要有長遠嘅Planning，係準備資金的同時，大家不妨細讀一下各國的移民條件及門檻。今次揀咗6個最受港人歡迎的國家，比大家可以參考下！

1：台灣 150萬投資移民

台灣人熱情好客，自然風景優美，物價指數低，係一個令人舒服的國家。由於非常近香港，移咗民都可以隨時番嚟探下親朋好友，都幾正架！

投資移民：

1.投資600萬新台幣(約150萬港元)並喺當地經營生意一年

2.連續住滿一年，而唔可以離開多於30日；或

3.連續兩年內，每年喺台灣居住滿270日或以上

技術移民：

申請人首先必須喺香港取得專業的執業證書，並喺新聞、金融、學術等範疇取得特殊成就。

升學移民：

台灣政府會以「評點配額制」去計算畢業生的各項能力，從而對其工作資格作出審批。如果你有70分並有月薪38,000元新台幣或以上，就可以留係台灣工作。不過，申請人就最少留係台灣工作5年，每年唔可以離開177日，月薪約有42,000元新台幣，先可以定居。

創業移民：

高中以上學歷係必須，不過都仲未夠架！要由從呢個途徑移民，就要符合某些條件，例如取得台灣或海外專利權，或曾在具代表性的創業、設計競賽獲獎以及經政府認可機構認定或推薦具創新能力，有興趣的朋友可以到官網細睇！

2：日本 36萬可獲居留權？

日本物價指數都唔平，拍得住香港。但勝在好玩好食的野多，而且文化古色古香，都算係個令人寫意的地方！不過係日本定居就最少要係日本住滿5年同埋無不良記錄，仲要具備日文能力，先有定居者的資格！

投資移民：

申請人年齡為20歲或以上

投資500萬日元(約36萬港元)或以上開設公司

在日本有固定公司地址

10年就有機會申請到永住權

主申請人獲得1年經營管理簽證，配偶同子女就可以獲得家族滯在簽證

技術移民：

申請人若喺日本住滿5年，又係經濟，外交、研究、運動、文化藝術、教育、或其他等領域對日本作出貢獻，都可以取得居留權。當然，如果你獲得國際機構或當地政府頒發榮譽獎或勳章，都可具備其資格。

3：澳洲 移民難度提高

澳洲環境優美，有袋鼠睇，又有陽光與海灘，日日都充滿渡假感覺！不過近日當地總理就推出新移民政策，將移民配額由每年19萬個下降至16萬個，令移民難度提高了。而澳洲入籍的基本就係要喺當地住滿四年，在入籍前一年要持有永久居民身份至少十二個月。

投資移民：

創新投資簽證（188A）：

1. 年齡55歲以下，有至少2年以上的管理經驗

2. 企業營業額在4年期間的其中兩年達50萬澳元(約303萬港元)或以上

3.EOI（ 申請人移民評分審核）要達65分以上，當中的評分標準包括IELTS分數、學歷及工作經歷等因素。

3. 商業及個人淨資產則需有80萬澳元(約432萬港元)以上，當中的20萬澳元(約108萬港元)需作為投資用途

重大投資者簽證（188C）：

1. 申請人必須透過州政府及領政府府提名及邀請

2. 願意向指定的政府債券、基金或私營企業投資最少500萬澳元(約2,698萬港元)，當中要有一部分為風險資金投資，而且最少需要連續投資四年

3. 在該四年投資期間有160日在澳洲居住，便可獲得永久簽證

技術移民：

短期（2年）及中期（4年）類別簽證：

被認可的僱主提名及贊助，並為他工作

符合英文能力要求，即IELTS不低於6分

至少2年相關工作經驗

短期類別簽證的提名職業必須在短期技術職業列表（STSOL）上；而長期類別簽證的提名職業必須在長期技術職業列表（MLTSSL）上

只享續簽1次，如想申請永久居留權，要由僱主擔保轉為其他簽證

4：厄瓜多爾 退休天堂門檻低

厄瓜多爾當地物價低，房價、醫療費用、生活成本樣樣都平過香港，養老福利又有保障，因此擁有「退休天堂」的美譽。而且，該地移民門檻都比較低，大家值得諗諗！

投資移民（需具備其中一項條件）

透過存款移民，申請人喺當地銀行最少有大約21萬港元，而且要具備銀行或信貸機構證明

透過房地產移民，首先申請者必須係財產擁有者，而其房地產價值要唔少於約24萬

透過投資當地公司移民，投資金額大約要21萬港元，並向有關當居註冊

*如果想帶埋屋企人，就要每人加多500美金

專才移民

要擁有由原居地頒發的專業資格文件，提交資料前，必須將文件翻譯成西班牙文。

退休移民

當地官網並冇提及申請人的收入下限係幾多，但申請人就一定要提交文件以證明你係有合法所得的收入。據悉，只要每月穩收800美元的退休金，就可以辦理退休簽證

5：馬爾他 貼地之選

馬爾他應該較少人認識，佢係南歐一個國土面積好細的島國。溫暖的氣候，藍色清澈的海水，有一種遠離塵囂的感覺。移民至馬爾他的要求相對低，無經商背景、語言或者學歷的限制，對普羅大眾可以話係貼地之選。

1. 持有5年25萬歐元以上的國債
2. 購買或租賃符合政府要求的房產，並持有5年
購買–在馬耳他地區購置32萬歐元以上的房產或於戈佐島/馬耳他南部購置27萬歐元以上的房產
租借—在馬耳他地區租賃每年租金不低於1.2萬歐元的房產，在戈佐島/馬耳他南部租賃每年不低於1萬歐元的房產

3.申請人滿18歲

6：加拿大 福利完善

加拿大係香港人最想移民地點的第一位，佢哋社會福利好完善，除了有失業保險，當地政府仲為失業人士提供就業培訓，認真唔話得！想移民到加拿大，可以透過以下途徑！

投資移民：

現在只有魁北克省提供投資移民計劃，申請資格如下：

1. 首先申請人的淨資產要有160萬加元(約927萬港元)，當中包括物業、股票及現金等

2. 在申請移民前5年，最少要有兩年的有關經營或管理企業經驗

3. 願意向當地政府指定的金融機構投資某定金額加幣

技術移民：

1. 確認所持有的職業技術需列於加拿大移民局的職業清單內（NOC），且需要滿足相關職業的工作要求

2. 如已於加拿大全職工作滿一年或擁有技工工作經驗

3. 英語要求在CLB最少考取最少7.0或以上的成績或法語達NCLC 7水平

4. 符合當局的學歷要求（高中或以上，而海外畢業的人需要提供ECA即加拿大聯邦技術移民評分要達67分或以上）

（相片來源: encirclephotos）