港女講日：男女大不同！男生眼中可愛女生必有的5個特徵

可愛定義究竟係咩?經常於twitter分享戀愛、美容帖文嘅@kopiJd，用簡單金字塔圖說明男女生對於可愛嘅基本準則，引起網友瘋傳。

女生所謂嘅「可愛」係有階級之分，分成上中下3大組，每組再分上中下，即係有9級:

上上-超班可愛，通常形容藝人、模特兒

上中-超可愛，小有名氣嘅讀者模特兒

上下-全校最可愛如校花

中上-全班最可愛

中中-班上第2-5可愛

中下-普通但都有可愛時候

下上-唔可愛

下中-醜女

下下-怪物

相較之下，男生分級就簡單好多，只得3級：就係「可愛→可以上床→醜女」…就咁睇，女生對於長相可愛係有所標準去分階級，男生則比較偏向個人喜好。

既然男女對於「可愛」定義截然不同，女生要從男生喜好出發，先至可以令對方心動!一齊睇下「男生覺得女生好可愛」嘅5個特徵:

1.表情豐富

男生比較唔擅長捉摸女生複雜情感，所以你表情變化越豐富，佢會即刻明白你心情，被你當下表情吸引住。好似小朋友咁大笑、生氣、驚訝…會令男生覺得好天真可愛。

2.善於聆聽

對男生話題表現出好有興趣，「嗯!」「然後呢?」「嘩!」等等嘅反應，可以大大增加男生對你嘅好感度!

3.撒嬌

善於撒嬌嘅女生最受男生歡迎。雖然同性或會覺得你太刻意，但反正「男生覺得可愛」就得啦。

4.談吐得體

唔理你幾靚，開口埋口都係粗口，一定令男生留下壞印象。可以於各種情況下做出得體反應，會令對方覺得「唔係得可愛，仲好有內涵」。

5善於照顧人

善於照顧他人嘅女生，散發成熟女人味，加上男人總有戀母情意結，如果你表現到可以照顧佢嘅行為，會令對方對你心生好感。

圖片來源：コカ・コーラ