戰場上︳觀眾狠批 疑似腰斬 TVB節目表顯示王祖藍新節目下週同時段播出

黎芷珊親自走訪以色列同烏克蘭拍攝嘅台慶資訊節目《戰場上》，播出兩集旋即引起迴響。有網民認為喺烏克蘭報導嘅情況，立場偏重於烏克蘭一方，未有訪問俄羅斯人民睇法，並指攝製隊喺當地有烏軍協助，片尾更鳴謝烏克蘭政府籌集資金嘅平台United 24。有觀眾表明向通訊事務管理局投訴，並發起杯葛TVB行動。

有消息指《戰場上》被腰斬。而根據TVB節目表，美國大選特備節目《特朗普重掌白宮》將於星期五晚《戰場上》原定時段播出，而下周一至三則播出王祖藍主持嘅《一條麻甩在汕頭》。

但從早前的時間表所見，《特朗普重掌白宮》原本播至星期四，星期五及下星期一至三晚十點半播放《戰場上》。

有媒體報導指，《戰場上》喺TVB社交平台專頁嘅宣傳post被下架，節目亦消失於官方串流平台myTV SUPER。TVB官網本來有專門介紹《戰場上》嘅文章，但已經搵唔到，只係剩返早前節目巡禮中嘅介紹。主持黎芷珊日前喺自己FB出post宣傳新節目，但相關文章彈出「無法提供內容」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！