準新娘稱環保借婚紗 向店主搲贊助註冊費 網民批臉皮厚、肉酸

準新娘稱環保借婚紗 向店主搲贊助註冊費 網民批臉皮厚、肉酸

婚姻是人生大事,近年香港興起「義租婚紗」服務,幫助有經濟困難的基層人士。「慧子婚紗 Mrs. Tse Bridal」周二(9 日)張貼兩張 Whatsapp 對話截圖,顯示有一名準新人有意申請免費義租,但同時詢問該店會否提供「結婚註冊費用贊助」,事件廣受市民熱烈討論。

根據截圖對話,該準新人指自己是以個人名義租用婚紗,稱若店舖願意提供註冊費用,「如果你哋可以話,我哋可以幫你宣傳嚟答謝你㗎。」

惟最終店舖表示免費義租不接受個人申請,表示「即使是否關乎環保問題都好,我哋亦不會贊助任何準新人婚禮註冊費用。」店舖在帖文上亦寫上「請問有冇環保人士可以為我解答一下,借衫我明係環保嘅,但點解贊助埋結婚註冊費都係環保咗?線上等。」

事件在不少社交平台引起熱烈討論,有網民稱「 真係想睇下佢臉皮有幾厚,講得出又唔尷尬」,亦有網民稱「其實無錢可以唔註冊,婚唔係一定要結,到離婚又要搵人贊助」。

翻查資料顯示,如一對準新人結婚,將擬結婚通知書存檔及展示需港幣$305,在婚姻登記處舉行婚禮(辦公時間)需 715 元,在婚姻登記處舉行婚禮(非辦公時間)需 1,935 元。有網民笑言「自己結婚都要有人贊助註冊費,100歲唔死都有新聞」,亦有網民提議「洗唔洗再環保啲,贊助理擺酒生仔,結個婚都做到咁肉酸。」