滯留台灣 余思霆無綫劇被Out 邵珮詩歷百日隔離 陷崩潰拒返港

·3 分鐘文章
邵珮詩的台灣節目未開拍已叫停,得個「等」字!
邵珮詩的台灣節目未開拍已叫停,得個「等」字!

台灣疫情暫仍看不見盡頭,滯留當地的藝人邵珮詩與余思霆工作全面叫停,前者已經歷5次、合共近百日隔離生活,情緒幾近崩潰,不想再挑戰低谷,寧願足不出戶也不願返港;原定下月返港拍劇的余思霆,則因台灣工作延期而慘遭易角!至於ViuTV新劇亦取消當地外景,主角劉俊謙與吳海昕都大嘆可惜。

新冠肺炎在台灣大爆發近一個月,暫時還未受控,各行各業均採取不同措施,防止疫情蔓延。身在當地的邵珮詩與余思霆上月開始停工,製作組決定繼續暫停拍攝,2人復工日子遙遙無期。原定在當地拍攝新節目的邵珮詩,尚未開工已被叫停,相當陰功!昨日她接受本報訪問時,表示打定輸數:「可能下次再過嚟先可以拍,所有嘢都要睇疫情發展,但呢一波應該唔會咁快完,爆發期後仲要一段時間先穩定。我哋要做好自己,用嚴謹態度對待,健康最緊要。」

乖乖留家防疫

問會否先返港稍作休息,她即大呼「怕怕」,笑指現階段不想做不必要的移動,事關她已先後經歷5次隔離,覺得過程非常煎熬:「每日起身嘅情緒最真實,間房行得嘅位置得咁多,屋企人只可以將食物放喺門口,每次隔離完感覺似放監,如果返嚟香港又要隔離21日!依家我喺台灣屋企好安全,冇必要都唔想搭飛機。」

她覺得隔離14日已很難受,若困足21日,相信會情緒崩潰:「仲要喺酒店,好有心理壓力!一到香港就要等測試,等完又要填表,到做晒所有過程,搭的士又要填資料,之後每日早、晚探熱,到第12日有測試包,要畀衞生署幫你Check有冇事,太大壓力!第12日、18日同21日都要Check,加埋一齊係好大挑戰!我唔希望咁樣,想調節好心態先返!」家住新北市偏遠地方的她,由於家中有長者,故在家仍堅持戴口罩,她趁不用開工狂煲台語劇,隔日戴面罩、口罩落街跑步,以保持健康體魄。

至於在當地拍劇的余思霆,因停工而返家鄉花蓮陪家人,她原定下月初返港拍無綫劇,如今未有歸期,大有機會被易角,她說:「冇辦法,因為要拍完台灣嘅劇先可以返嚟,但依家未知停到幾時。(冇得拍無綫劇好可惜?)相信公司會有好嘅安排,台劇呢邊都重要。」

《940920》留港拍攝

除了無綫,劉俊謙與吳海昕主演的ViuTV劇集《二月廿九》續集《940920》,原定今年9月出發到台灣取景,由於疫情關係,導演羅嘉駿日前宣布取消出埠,大改劇本變為本地劇,並如期在9月開工。兩位主角對此大表可惜,劉俊謙說:「當地好多空曠同大自然景,又有文青味道,好適合套劇,依家可能係上天安排,喺香港搵景會唔會更好呢!面對突然轉變,希望大家以樂觀心態應變。」而吳海昕則表示聽從導演安排:「去邊度拍唔緊要,最緊要有好劇本,感動到觀眾。」

邵珮詩留在台灣新北市老家陪伴家人,閒時落街跑步。
邵珮詩留在台灣新北市老家陪伴家人,閒時落街跑步。
返回家鄉花蓮前,余思霆在台北直擊空無一人的夜市。
返回家鄉花蓮前,余思霆在台北直擊空無一人的夜市。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能