無綫新咪神鄧伊婷又派福利 性感照獲讚:「背多分!」
無綫新一代「咪神」鄧伊婷(Irina), 入行六年星運一直都平平無奇,直至早前喺劇集《迷網》飾演高海寧好朋友Brenda,經常以低胸示人而被網民關注及大讚佢好身材。
鄧伊婷都十分識做,間唔中就喺社交網站上載性感相。喺噚日,Irina又喺社交網站派福利,佢喺遊艇上著住性感泳裝, 露出白滑玉背, 並留言「能被一個人放在心上,從來都不是理所當然的事。謝謝你把我放在心上。」相片吸引咗唔少藝人朋友留言,例如《東張西望》主持袁家敏: 「你常在我心」、王卓淇:「背多分!」及尹詩沛:「omg🤤❤️」等等。另外,網民們亦紛紛留言大讚佢靚:,「成地都係鼻血😍」、「💖💖💖女神哦😘😘😘」、「伊婷BB好可愛呀」、「索爆😍」、「迷死人呀😍女神出現🌷」、「完美女神😍」及「不得了,靚到不得了」等等。