熊黛林呻湊女好悶 恨拍戲外出唞下氣

熊黛林今日到灣仔出席「粵港澳大灣區文創開新篇」記者會,麗新集團主席林建岳與紫荊文化集團宣布多個合作計劃,她希望未來可以多些工作機會。早前她曾透露3月會離開香港拍電影,但因為疫情而要押後到7月尾。

她坦言每天在家中照顧兩女「好悶」︰「唔做嘢,日日喺屋企,又冇街去,生活重覆又重覆,好悶!以前周圍走,個個星期都飛。」問到她離開屋企,兩位女兒會否不捨得,她說︰「佢哋好識做戲,喺度嘅時候就成日攬住我話唔捨得我成日走,但係一飛咗之後就同佢哋視像就唔望我,四圍走。」

提到大灣區置業,她表示早幾年老公已看好當地市場,直到去年到大陸拍戲,期間物色到合適的單位,於是買了一個單位。問到會否買物業送贈給女兒,她表示現正努力儲錢,希望到時可以給她們做嫁妝。

原文刊登於 AM730 https://www.am730.com.hk/娛樂/熊黛林呻湊女好悶-恨拍戲外出唞下氣/324880

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能