爾冬陞怕尷尬唔請志偉 王丹妮爭影后「露」不可遏

王丹妮露腰騷腿一副戰鬥格!
王丹妮露腰騷腿一副戰鬥格!

候選金像影后王丹妮昨日一身戰鬥格出席頒獎禮拜神活動,預告當日戰衣剪裁應露則露,廿四孝老公羅孝勇亦會陪伴左右,現時心情毫不緊張。而金像獎主席爾冬陞則表示,有份爭影帝的林家棟因傷未知能否現身頒獎禮。

爾冬陞(小寶)昨日率領董事成員錢嘉樂、王丹妮、梁仲恆等出席《第40屆香港電影金像獎》拜神儀式,酷熱天氣下眾人於戶外完成儀式後,便匆匆進入室內抖涼兼受訪。

憑電影《梅艷芳》分別角逐「最佳女主角」及「最佳新演員」的王丹妮,雖然將迎戰同是角逐影后的勁敵劉雅瑟,但心情似乎一點也不緊張,穿上露腰裝騷長腿的她,聯同一樣「起雙飛」角逐影帝兼新人獎的梁仲恆分外風騷,對於頒獎禮逼近更是非常期待,王丹妮說:「感覺好夢幻。(緊張?)我係事後嘅人,當日會享受個騷,之後先會緊張。(老公羅孝勇同個女都嚟?)老公會嚟,小朋友就同屋企人喺屋企睇電視。(戰衣準備好?)準備好,會行型格同索嘅路線,應露嘅地方就露。」梁仲恆則表示緊張心情來自與王丹妮表演環節:「有一part係我哋唱歌懷念已故嘅前輩,因為綵排時間唔多。(有冇諗過攞獎?)平常心,隨遇而安,有冇都咁開心。」

古天樂張家輝頒獎

小寶透露已邀請影帝古天樂及張家輝任頒獎嘉賓,問到日前拍戲受傷的候選人林家棟可會如期現身?他表示對方傷勢不太嚴重,但出席與否將於日內回覆。身為肇事電影動作導演的嘉樂,指事發當日同場不同組拍攝,但也有留言慰問:「佢話唔係咁大件事,仲話男人係要有啲傷,會好快好番。(係咪傷到個肺?)有啲,撞到氣門。(有冇骨折?)應該冇,等主席擔心吓先,佢責任大壓力就大,因為家棟有兩個影帝提名同編劇提名。」小寶則坦言對未能掌控的事情不擔心,因今年金像獎於ViuTV直播,他笑指反擔心與無綫關係友好的嘉樂未能現身,嘉樂對此說:「我同曾志偉以前都試過亮相亞視嘅頒獎禮講廣東話,去唔同嘅台最開心。」問到小寶可有邀請志偉出席頒獎禮?他搖頭表示沒有,就連無綫人也沒有邀請:「唔好生事,搞到咁複雜仲乜,簡單啲單純啲,何必搞出尷尬場面。」更指今年頒獎禮已兩年合辦,但面對疫情數字上升感頭痕:「都計劃過萬一防疫措施再收緊,頒獎禮喺冇觀眾情況下都會繼續,當個攝影機係觀眾囉!」

爾冬陞笑言擔心與無綫關係友好的錢嘉樂屆時未能現身頒獎禮。
爾冬陞笑言擔心與無綫關係友好的錢嘉樂屆時未能現身頒獎禮。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能