獅墨書店無懼圖書館下架潮 主打香港史書籍：賣得一日得一日

Yahoo 新聞
更新日期：
獅墨書店去年6月中成立，是「七份一書店」計劃其中一員。面對下架潮，書店如常售賣六七暴動、六四題材書籍，旨在讓讀者全面了解香港史。（受訪者提供圖片）
獅墨書店去年6月中成立，是「七份一書店」計劃其中一員。面對下架潮，書店如常售賣六七暴動、六四題材書籍，旨在讓讀者全面了解香港史。（受訪者提供圖片）

【Yahoo 新聞報道】暑假到，香港書展周三（7月19日）開鑼，市民可到實體書展選䐟書籍，也可在獨立書店尋寶。主打香港史書籍的「獅墨書店」店主 Dexter 接受《Yahoo新聞》專訪時指，該店嚴選具學術水平的歷史書籍，即使大批書籍遭圖書館下架，該店仍如常出售，「賣得一日得一日」，冀成為最齊全的香港史書店，「本書今日仲賣到，就今日賣住先，聽日賣唔到咁聽日先算」。

文字記者：盧珮瑤

公共圖書館早前下架著作包括已故民主派元老司徒華回憶錄《大江東去》、政治學者馬嶽等人作品。特首李家超早前指，圖書館須確保書籍是否適合借閱，市民仍可在私營書店找到相關書籍。同日，「獅墨書店」於社交專頁以「特首話可以去書店買」為題發文，列舉多本被圖書館下架、獅墨有售的書籍，包括馬嶽《反抗的共同體：二〇一九香港反送中運動》。「一嚟好笑，二嚟係我嗰日諗唔到出咩 post（帖文），反正佢咁講，我又有堆咁嘅書喺度咪拎出嚟推」。

上月中特首李家超回應下架一事後，獅墨書店同日發文，指部份在圖書館未能搜尋到的書在店中仍然有售。（獅墨書店fb截圖）
上月中特首李家超回應下架一事後，獅墨書店同日發文，指部份在圖書館未能搜尋到的書在店中仍然有售。（獅墨書店fb截圖）
在獅墨書店仍能找到近日被圖書館下架、已故民主派元老司徒華回憶錄《大江東去》，售價$150。（獅墨書店fb圖片）
在獅墨書店仍能找到近日被圖書館下架、已故民主派元老司徒華回憶錄《大江東去》，售價$150。（獅墨書店fb圖片）
馬嶽《反抗的共同體：二〇一九香港反送中運動》，售價$167。（獅墨書店fb圖片）
馬嶽《反抗的共同體：二〇一九香港反送中運動》，售價$167。（獅墨書店fb圖片）
徐承恩《未竟的快樂時代： 香港民主回歸世代精神史》，售價$200。（獅墨書店fb圖片）
徐承恩《未竟的快樂時代： 香港民主回歸世代精神史》，售價$200。（獅墨書店fb圖片）
徐承恩《香港，鬱躁的家邦：本土觀點的香港源流史》，售價$217。（獅墨書店fb圖片）
徐承恩《香港，鬱躁的家邦：本土觀點的香港源流史》，售價$217。（獅墨書店fb圖片）
韋安仕、徐承恩譯《逆天抗命：香港如何對世界上最大的獨裁者說不》，售價$200。（獅墨書店fb圖片）
韋安仕、徐承恩譯《逆天抗命：香港如何對世界上最大的獨裁者說不》，售價$200。（獅墨書店fb圖片）
李立峯、陳韜文《Memories of Tiananmen: Politics and Processes of Collective Remembering in Hong Kong》，售價$1,600。（獅墨書店fb圖片）
李立峯、陳韜文《Memories of Tiananmen: Politics and Processes of Collective Remembering in Hong Kong》，售價$1,600。（獅墨書店fb圖片）
李立峯《時代的行動者：反修例運動群像》，售價$150。（獅墨書店fb圖片）
李立峯《時代的行動者：反修例運動群像》，售價$150。（獅墨書店fb圖片）
王偉雄《立場哲學：對談集》，售價$138。（獅墨書店fb圖片）
王偉雄《立場哲學：對談集》，售價$138。（獅墨書店fb圖片）

香港史書湧現 「想喺歷史入面搵答案」

獅墨去年 6 月中成立，是「七份一書店」計劃其中一員，計劃完結後主要以網上書店形式營運。Dexter 發現近年香港史書需求飆升，「中年人會想用嚟懷舊；有班人對於社運或者香港嘅未來，好想喺歷史入面搵答案；有一批係經歷運動後，忽然覺得自己對香港無乜認識」。他記得 2021 年書展大量香港歷史書湧現，「（民間歷史組織）Watershed 嘅書出咗兩個禮拜就賣晒第一版，呢件事喺 2019 年前係完全想像唔到」。

歷史系碩士出身的 Dexter 目前投身歷史學術研究，選書尤其審慎。他指，市面歷史書質素參差，部份帶政治立場導致史觀偏頗，「想用我專業眼光去揀值得信賴嘅書畀讀者，透過我嘅 curation（策劃）拓闊大家對香港嘅想像」。他以題材獨特性及作者為選書準則，冷門書如海盜自傳《I Sailed with Chinese Pirates》、200年前外國旅行家在港遊記《China Revisited》系列等更屬獅墨獨有。Dexter 冀獅墨成為全港最齊全的香港史書店，「如果本書學術水平未必好好，但個主題得佢一個寫過我都會揀，不過試過有學界朋友話唔好揀某一本，個作者寫啲嘢錯，咁我就會下架」。

獅墨有不少冷門題材書籍，如Aleko E. Lilius所編寫的海盜自傳《I Sailed with Chinese Pirates》，售價$240。（獅墨書店圖片）
獅墨有不少冷門題材書籍，如Aleko E. Lilius所編寫的海盜自傳《I Sailed with Chinese Pirates》，售價$240。（獅墨書店圖片）
《China Revisited》系列書籍，Paul French《Wanderings in China: Hong Kong and Canton, Christmas and New Year, 1878/1879》，售價$90。（獅墨書店圖片）
《China Revisited》系列書籍，Paul French《Wanderings in China: Hong Kong and Canton, Christmas and New Year, 1878/1879》，售價$90。（獅墨書店圖片）
獅墨亦有售賣《China Revisited》系列，是200年前外國旅行家的在港遊記，圖中為Paul French《Ling-Nam: Hong Kong, Canton and Hainan Island in the 1880s》，售價$90。（獅墨書店圖片）
獅墨亦有售賣《China Revisited》系列，是200年前外國旅行家的在港遊記，圖中為Paul French《Ling-Nam: Hong Kong, Canton and Hainan Island in the 1880s》，售價$90。（獅墨書店圖片）
《China Revisited》系列書籍，Paul French《Where Strange Gods Call: Harry Hervey’s 1920s Hong Kong, Macao and Canton》，售價$90。（獅墨書店圖片）
《China Revisited》系列書籍，Paul French《Where Strange Gods Call: Harry Hervey’s 1920s Hong Kong, Macao and Canton》，售價$90。（獅墨書店圖片）

作為香港史書店，獅墨目前仍有出售六七暴動、六四等題材書籍，如張家偉《六七暴動：香港戰後歷史的分水嶺》、程翔《香港六七暴動始末》等；另有中國題材書籍，如杜贊奇《從民族國家拯救歷史：民族主義話語與中國現代史研究》，「我都有一堆書想 challenge（挑戰）中國民族主義，至少話畀大家聽史觀有好多種可能性」。

「今日賣到就今日賣住先」

「如果只係公共圖書館下架，我都會繼續賣，開始針對書店就會諗一諗」。Dexter 估計售賣學術書較政治書相對安全，「佢真係學術研究，無政治宣言成份喺入面，啲作者都有一定江湖地位」。早前有傳媒統計，2020 年至今近 200 本涉及政治題材及人物的著作下架，部份屬非政治類書籍。Dexter 認為當局目前以作者為主要考慮，「鄺俊宇（民主黨前立法會議員）啲愛情小說都係『禁書』，啲人話係咪逗號用得太多威脅到個句號？」

Dexter 與一眾獨立書店仍望屹立於風眼之中，「大家心態都係殺到埋嚟先算啦，做得幾多得幾多」。會擔心風險嗎？「自我審查一定有，你可以做嘅只係避開啲最 obvious（明確）嘅嘢，但有無一個好恐懼嘅氣氛？我唔係好感覺到」。例如在「羊村繪本案」後仍有人繼續出版兒童繪本，「唔會話今日出咗一單新聞，我即刻落閘，做緊嘅書都唔做。本書今日仲賣到，就今日賣住先，聽日賣唔到咁聽日先算」。目前獅墨亦有售講述香港史的繪本，如《張保仔傳說》、《在銅鑼灣的一天》等。

獅墨一直搜羅講述香港史的兒童繪本，圖為黃頌行、葉德平的《張保仔傳說 繪本故事》，售價$88。（獅墨書店圖片）
獅墨一直搜羅講述香港史的兒童繪本，圖為黃頌行、葉德平的《張保仔傳說 繪本故事》，售價$88。（獅墨書店圖片）
林若雁著作《在銅鑼灣的一天》，售價$100。（獅墨書店圖片）
林若雁著作《在銅鑼灣的一天》，售價$100。（獅墨書店圖片）

Dexter 預料當局未必直接禁止出版某類書籍，但獨立書店入貨愈見困難。目前全港大部份書籍均須透過同一發行商來港，貨倉位於廣州，「舊年試過好多次啲書棘住咗落唔到嚟，一半係政治原因一半係疫情，變咗好多書店都攞唔到」。以張家偉《英國檔案中的香港前途問題》為例，該書於去年 8 月出版，Dexter馬上訂購卻被告知無貨，「嗰本書兩個禮拜前先出，你同我講無貨？就係呢啲操作上問題可以有好多地方棘住你，佢唔一定要唔畀你，只要令你好麻煩、成本好高就夠」。

入門港史書 首推《香港簡史》

在有限空間內，獅墨仍想開闢出路。Dexter 指，市面有關香港歷史的童書少之又少，「揀書 10 本有 10 本都係中國歷史，人物傳記都係岳飛、孫中山」，冀出版社可推動更多香港史童書面世。獅墨另一特點是舉辦活動，讀書會、課程、分享會應有盡有，如邀請保育茶餐廳文化的人類學碩士黎的琛（Samuel）舉辦分享會，「大家都覺得留喺香港無嘢好做，『香港無㗎喇』，我就想搵啲例子出嚟，仲有人做緊實事，可以點樣做、有咩方向」。

「獅墨」取自尼日利亞小說家 Chinua Achebe 名句：Until the lion learns to write, every story will glorify the hunter（在獅子學懂寫字前，所有打獵的故事只會歌頌獵人）。Dexter 鼓勵港人多讀香港史，「首推高馬可嘅《香港簡史》，最入門一本睇晒」，持續對我城的想像。

獅墨書店網頁：https://www.lionsinkbooks.com/

獅墨店長Dexter希望港人可多讀香港史，並推介高馬可《香港簡史》作入門，售價$128。（獅墨書店圖片）
獅墨店長Dexter希望港人可多讀香港史，並推介高馬可《香港簡史》作入門，售價$128。（獅墨書店圖片）