獨家｜傳炎明熹即將完約離巢TVB 聲夢小花三缺一開騷有跡可尋 （新增TVB回應） ｜Yahoo娛樂圈

【15:25 新增回應】TVB回應：「呢個唔係事實，所以冇回應！唔該晒」

_____________________________________________________________________________________________________________

參加TVB節目《聲夢傳奇》而火速走紅的炎明熹（Gigi）傳岀離巢消息，有指炎明熹與TVB的合約即將到期，並不再續約。

炎明熹，原名王佳恩，後改名王爖熹，於2020年報名參加《聲夢傳奇》，以大熱姿態奪得總冠軍「傳奇新星」，並同時奪得「專業評選大獎」及「觀眾熱選大獎」。賽後隨即獲TVB力捧，既推出新歌、開騷，又接拍劇集、廣告，更北上拍節目搵真銀，工作不斷的她於中港兩地都吸納不少Gi炎粉（粉絲名），被指為新一代樂壇小天后。

不過，最近傳岀炎明熹即將與TVB完約，且未有動筆續約。炎明熹的IG目前未有寫上TVB經理人聯絡資訊，令離巢消息增加可信性。

此外，聲夢三小花姚焯菲（Chantel）、鍾柔美（Yumi）、詹天文（Windy）將於7月一起舉行《音樂出沒Let's play together》演唱會，今次開騷未有預炎明熹，未知是否因炎明熹已離巢有關，而外界亦一直有傳此騷為After Class的「解散騷」。《Yahoo娛樂圈》就此向TVB查詢，暫未獲得回應。