男女自然觀察學會｜許寶恆Alice挑戰打後空翻疑被胸襲 網民：擺明特登

許寶恆（Alice）參加《全民造星IV》後獲ViuTV賞識，簽約成為MakerVille旗下藝人。演出機會漸增嘅Alice仲係《MM730 - 男女自然觀察學會》常駐主持，不過佢喺播出嘅最新一集挑戰打後空翻時，除咗不慎成塊面撞落地下之外，仲疑似被教練胸襲，結果引起網民高度關注。

喺最新一集《MM730 - 男女自然觀察學會》中，Alice聯同Marco@P1X3L挑戰打後空翻，初時Alice都有喺腰間綁上腰帶，所以可以輕鬆完成動作。之後，Alice嘗試解開腰帶打後空翻，結果不慎成塊面撞落地下，雖然Alice聲稱冇事，不過最後佢都忍唔住喊咗，同時亦笑指證明自己冇整容。

Alice呢一跌真係令佢失去信心，所以佢重新綁上腰帶挑戰第三次後空翻，成功後佢解開腰帶挑戰第四次，不過勇氣可嘉嘅Alice喺打後空翻時，其中一個教練扯起佢條運動褲，搞到佢差啲露底走光，而另一個教練喺佢落地時疑觸碰到佢嘅胸部。節目出街後，有網民認為教練係有意圖胸襲佢，留言話「我玩過後空翻，轉咁多次最多都係接觸到腰同手，冇可能掂到胸，加上人哋女仔上電視，基本上都要提醒佢換條緊小小嘅褲。呢單嘢九成九非禮。嘔心」、「擺明特登，就算扶都捉手啦，點會咁扶？」及「轉咗身落嚟兜腋下仲好啦，點會係胸口度？」不過亦有網民認為教練係唔小心，留言話「唔好話人鹹豬手，情急之下唔小心，身體轉得好快否則可能受傷...」、「唔會咁明目張膽掛？咁多人睇住又有機影住！錯手姐」及 「嗰個動作唔係咁易精準捉到手，伸入啲可以更確實保護到條女，而且講真咁電光火石掂到都唔會爽啦。」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！