瘋傳陳妍希去年已婚姻破裂 陳曉一心想離婚？

台灣女神陳妍希2016年同內地一線男星陳曉結婚後，育有一子「小星星」，但二人婚後多次轉出感情變淡，婚變傳聞滿天飛。今日（19日）內地媒體再次點名稱二人去年婚姻破裂，目前陳曉一心想離婚，爆料者更開直播說明。

近日由陳妍希主演嘅鄧麗君傳記內地劇集《但願人長久》播出，惟網民怒批「豬頭肉一樣的女主」，負評不斷。如今再傳出婚姻破裂，更添是非。爆料者今日開Live聲稱，2023年底陳曉向陳妍希提出離婚，並表示可以淨身出戶，但就未有講出離婚理由，之後佢就再冇返屋企，仲換埋手機號碼。爆料者更稱陳曉拉黑（block）咗陳妍希，陳妍希只能透過工作人員聯絡到陳曉。

爆料者指呢半年內，陳妍希湊仔時陳曉冇出現，陳曉依家喺劇組，但陳妍希亦冇再探班過。有網友亦翻查二人社交網，雙方都已經互相delete晒有關對方嘅發文，令事件更加似層層。惟陳妍希及陳曉方面均潛水，於截稿前都未有任何回應，亦搵唔到人，離婚消息未得屬實。