盒上日文錯晒！果欄士多啤梨 疑似內地貨扮日本貨

自從油麻地果欄有欄商做埋零售，唔少人都會專程去買靚生果，幾百蚊嘅提子、蜜瓜、桃，識食之人毫不手軟。   個個都想買日本生果，唔通真係個個都買到日本生果咩？   有網友就post咗張聲稱係日本遊客攝於果欄嘅相，喺一個聲稱係日本福岡「甜王」士多啤梨紙盒入面搵到疑點。

首先，上面竟然有簡體字。日文有漢字我明，但係個「時」字，日文漢字都係用繁體。而盒上嘅「武義瑤村」，post主話武漢有條咁嘅村，我地就check到浙江省「武義」縣有條村叫「瑤村」。Anyway，即係好大機會唔係來自日本啦。

另一個疑點係，盒上嘅日文字錯漏百出。用來扮日本農產品嘅”JAかおふく”（JA即係日本農業協同組合），應該係 ふくおか（福岡），“おまうあ”應該係”あまおう”(甜王)先真。   最好笑係生産者係奈良縣嘅「イチゴ太郎」。イチゴ係草莓咁解，個農家叫……草莓太郎？

仲有呢句「赤い色は を呼びかける新しい魂を生み出す」，原post主話連日本人都睇唔明。   可以點分？mark低呢幾個日本字︰ふくおか（福岡）あまおう(甜王)認住佢，希望可以幫到手。   不過嗰班扮日本生產商，係咪會改返啱啲日文再呃人？就真係睇大家彩數。原文傳送門【相關搜尋】女僕賣淘寶假野扮日本貨