神隱3個月 鄭欣宜終於現身 對窗自彈自唱身型清減

鄭欣宜(Joyce)早前被傳媒指掛住拍拖而「潛水」，近月隱身社交媒體之餘就連公開場合都唔見人。Joyce嘅經理人林姍姍回應傳媒時話「Joyce的確係病咗，療傷之中」，但並未交代具體情況。

Joyce「神隱」前曾經出post，同髮型師好友Benjamin一齊去staycation。而Benjamin日前就出post，係影住身穿"Prince Joyce"同「香港女歌手」長袖tee嘅欣宜，對住窗口自彈自唱歌曲《有天我會好》，從畫面可見到欣宜身型比起以前清減不少。而由窗外景色估計，相信Joyce拍片時身在香港。唔少網友都留言支持，仲叫欣宜好好休息。

早前有媒體披露，4月開始冇出席公開場合嘅欣宜，原來曾經喺廟街同街邊唱歌檔嘅姐姐玩busking﹐仲素顏示人唱張惠妹嘅《聽海》；而喺到5月中，有網民影到Joyce、Derek同髮型師好友Benjamin抵達日本東京成田機場，相信係搭完通宵機去旅行。早前李玟Coco逝世，Coco家姐李思林表示Coco生前希望幫欣宜，從而誤爆Joyce受情緒病困擾。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！